Маълумки, айрим ижтимоий тармоқ фаоллари томонидан "Микрокредитбанк" АТБнинг Солиқдан 10 млрд сўм, МИБдан 188,5 млн сўм қарзи бўлсада, маркази ва маҳаллий нашрларга 300 млн сўмлик обуна қилинганлиги хусусида танқидий материаллар эълон қилинди.
Аввало, "Микрокредитбанк" АТБнинг маҳаллий ва республикамиз бюджетига тўланадиган солиқ тўловларидан қарздорлиги йўқ эканлигини маълум қиламиз. Солиқ базасидаги 10 млрд сўмдан ортиқ қарздорлик эса банкнинг 2022 йилги фаолиятидан олинган соф фойда ҳисобидан давлатга тўланишини сўралган сумма ҳисобига тўғри келади.
Банк томонидан Юридик солиқ тўловчилар бўйича ҳудудлараро давлат солиқ инспекциясига 2023 йил 9 август санаси билан ушбу ҳисбланган 10 млрд сўмлик солиқ тўловини назоратдан олишни сўраб хат юборилган. Унга кўра, “Акциядорлик жамиятлари ва акциядорларнинг ҳуқуқларини ҳимоя қилиш тўғрисида”ги Ўзбекистон Республикаси Қонунининг 51-моддаси “Дивидентларни тўлаш тартиби”га мувофиқ, дивидентларни тўлаш муддати ва тартиби жамиятнинг уставида ёки акциядорларнинг умумий йиғилиш қарорида белгиланиши кўрсатилган.
2023 йил 27 июндаги банк акциядорларининг умумий йиғилиш қарорига асосан банкнинг 2022 йилда олинган жами 21 млрд сўмлик соф фойдасининг 5 фоизини умумий захира фондига, қолган 95 фоизини эса тақсимланмаган фойдада қолдириш юзасидан қарор қабул қилинган.
Бундан ташқари Марказий банк томонидан ҳам банк назорати қўмитасининг 2023 йил 6 июлдаги 526/3-сонли қарорига асосан 2022 йил учун давлатга дивидент тўловларини тўланмаслиги кўрсатиб ўтилган.
Мажбурий ижро олдидаги қарздорликлар эса босқичма босқич бартараф этиб борилмоқда. Яъни баъзи суд қарорлари банк томонидан қайта апелляцияга берилишига тўғри келади.
Энди банкнинг 2024 йилги маҳаллий ва хорижий нашрлар учун обунасига келадиган бўлсак, бу банк Бош офиси ҳамда Тошкент шаҳар Амалиёт бошқармаларида меҳнат қилаётган 600 нафарга яқин ходимларимиз учун Ўзбекистон Республикасининг “Харидлар тўғрисида”ги Қонунига асосан амалга оширилган.
Банк Ахборот хизмати
Яна кўринг
МКБАНКда маънавий-маърифий учрашув ўтказилди
Мутахассис ва олимлар томонидан мавзуга оид маърузалар қилиниб, Президентимиз нутқида илгари сурилган муҳим ғоя ва ташаббусларнинг мазмун-моҳияти атрофлича ёритиб берилди.
Байрам кунлари ҳам ишлаймиз!
