Президентимизнинг 2024-йил 4-октабрдаги “Камбағалликни қисқартириш ва бандлик соҳасида давлат сиёсатини такомиллаштиришда самарадорликни ошириш чора-тадбирлари тўғрисида”ги қарори ижросини таʼминлаш мақсадида “Микрокредитбанк” АТБ томонидан Германиянинг “Интернатионал Пеопле” халқаро ташкилоти билан ҳамкорликда муҳим лойиҳа амалга оширилди.
Унга кўра, Бухоро шаҳрида Германияда ишлаш истагида бўлган фуқароларни касб ва тилга ўқитиш маркази ташкил этилди.
Марказнинг очилиш маросимида Германия компанияси раҳбарлари ҳамда “Микрокредитбанк” АТБ Бошқарув раиси ўринбосари Шаҳло Ибрагимова иштирок этди.
Марказда ишсиз ва камбағал оилалар фарзандлари халқаро стандартлар асосида тайёрланиб, хорижда тан олинадиган сертификатлар орқали ишга йўлланади.
Микрокредитбанк томонидан ушбу йўналишда қатор имкониятлар тақдим этилмоқда:
• ўқиш, виза, авиачипта ва яшаш харажатлари учун имтиёзли кредитлар;
• халқаро банк карталари (Виса, Мастерcард, УнионПай);
• пул ўтказмалари учун қулай молиявий хизматлар;
• замонавий ўқув ускуналарини харид қилиш учун кредитлар;
• ўқув семинарлари ва маслаҳат хизматлари.
Лойиҳа доирасида 544 та маҳалланинг маҳалла банкири ва ёрдамчи агентлари орқали фуқаролар сараланиб, ўқишга жалб этилади. Таʼлимни муваффақиятли якунлаганларга ойлик маоши 2500 доллардан бошланувчи иш ўринлари таклиф этилади.
Шу куни “Микрокредитбанк” АТБ ҳамда Миграция агентлиги Бухоро ҳудудий филиали билан ҳамкорликда Германиянинг йирик рекруит компанияси ҳисобланган “Интернатионал Пеопле ГмБҲ анд Cо ГК” билан уч томонлама ҳамкорлик меморандуми ҳам имзоланди.
Микрокредитбанк томонидан амалга оширилаётган ушбу лойиҳа нафақат ишсизликни камайтириш, балки аҳолини халқаро меҳнат бозорига тайёрлаш орқали мамлакат иқтисодиётига ҳам ҳисса қўшади.
Банк Ахборот хизмати
Яна кўринг
Tadbirkorlar bilan ochiq muloqot olib borilmoqda!
