Қоракўл тумани Жиғачи маҳалласида Асаларичилар кўчаси бўлиб, бу ном кўчага янги берилган. Қизиғи, бу ердаги маҳалла аҳли “Ҳасанобод шифо бол” фермер хўжалиги раҳбари Ғайрат Искандаров бошчилигида асаларилар оиласини парваришламоқда.
Кооперация асосидаги мазкур лойиҳада маҳалладаги аҳоли хонадонларига асалари уялари тарқатилиб, асал етиштирган оилаларнинг маҳсулотлари фермер хўжалиги томонидан сотиб олиниб, қадоқланади ва ички бозорга чиқарилади.
Фермер хўжалик раҳбари Ғайрат Искандаров ушбу лойиҳани 2024 йилда Микрокредитбанкнинг 680 миллион сўмлик кредити ёрдамида бошлаган.
“Ота-бобом асаларичилик билан шуғулланган, мен ҳам бу касбни давом эттириб, маҳалламизга фойдам тегаётганидан хурсандман”, дейди Ғайрат Искандаров.
Жорий йилда банк томонидан яна 300 миллион сўмлик кредит ажратилиб, лойиҳа доирасида 20 та кам таъминланган оилага асаларилар уялари тарқатилди. Фермернинг айтишича, умумий ҳисобда 100 та оилани қамраб олиш кўзда тутилган.
“Маҳалламизга асаларичилар номи берилгани ва биз каби оилаларни даромадли қилаётган Ғайратжонга, банк ходимларига раҳмат, дейди қувонч билан асалари парваришлаётган маҳалла аҳли.
МКБАНК истиқболли ташаббусларни қўллаб-қувватлашда давом этади.
Банк Ахборот хизмати
Яна кўринг
Техник созлаш ишлари амалга оширилади!
МКБАНКда "Қадринг баланд бўлсин, Она тилим!" шиори остида Оммавий диктант танлови ўтказилди
