Бухоролик ёшлар билан учрашув ўтказилди

Бухоро шаҳридаги "Саҳид Зарафшон" меҳмонхонасида "Микрокредитбанк" АТБ ташаббуси билан  "Раҳбар ва ёшлар учрашуви" бўлиб ўтди. 

Бу галги мулоқотнинг ўзига хослиги шундаки, унда нафақат мурожаат ва муаммолар эшитилди, балки ёшлар томонидан келажакка йўналтирилган инновацион ғоялар, стартаплар, тадбиркорлик ташаббуслари, илмий ёндашувлар асосидаги таклифлари билан бойитилди. 

Тадбирда тўрт муҳим йўналиш бўйича раҳбарлар иштирок этди:

"Микрокредитбанк" АТБ Бошқарув раиси ўринбосари Шахло Ибрагимова,

Бухоро вилоят ҳокими ўринбосари — Оила ва хотин-қизлар масалалари бошқармаси раҳбари Ҳафиза Артикова,

Бухоро вилояти Экология, атроф-муҳитни муҳофаза қилиш ва иқлим ўзгариши бошқармаси бошлиғи Жамол Носиров,

Вилоят Ёшлар ишлари бошқармаси бошлиғи Шавкат Раҳмонов. 

Раҳбарлар вилоятнинг турли ҳудудларидан ташриф буюрган 300 нафардан ортиқ фаол ёшлар билан очиқ мулоқот ўтказишди.  

Учрашув жараёнида ёшлар томонидан 20 дан зиёд янги таклиф ва бизнес лойиҳалалар илгари сурилди. Айниқса, бухоролик фаол қизлар томонидан тақдим этилган иннновацион бизнес лойиҳаларнинг илмий ҳамда амалий жиҳатдан аниқ ва пухта ишлаб чиқилганлигини эʼтироф этиш мумкин. Мазкур лойиҳаларни қўллаб-қувватлаш орқали мамлакатимизда ёш тадбиркор қизларимиз сафини кенгайтириш ва бу орқали янги иш ўринлари яратишга эришилади. 

Таʼкидлаш жоизки, учрашувда "Микрокредитбанк" АТБ томонидан ёшлар, хусусан, хотин-қизлар тадбиркорлигини қўллаб-қувватлаш, кредит дастурлари, молиявий саводхонлик ва стартапларни молиялаштириш масалалари бўйича атрофлича маʼлумотлар берилди. 

Шахло Ибрагимова ўз чиқишида банк томонидан ёшларга, хусусан, хотин-қизлар тадбиркорлигини қўллаб-қувватлаш бўйича яратилаётган имкониятлар ва амалий ёрдамлар ҳақида тўлиқ маʼлумот бериб, тадбиркорликни бошлашдаги муҳим жиҳатлар юзасидан тавсиялари билан ўртоқлашди. 

Бу маʼлумотлар ёшлар учун катта амалий йўналиш бўлиб хизмат қилди.

Банк Ахборот хизмати