МКБАНКда улуғ бобокалонларимиз, 9 февраль — сўз мулкининг султони Алишер Навоий таваллудининг 583 йиллиги ҳамда 14 февраль — шоҳ ва шоир Заҳириддин Муҳаммад Бобур таваллудининг 541 йиллиги муносабати билан "Буюк сиймоларни ёд этиб…." мавзусида маънавий-маърифий тадбир ташкил этилди.
Тадбирда Ўзбекистонда хизмат кўрсатган журналист, Ёзувчилар уюшмаси раисининг маслаҳатчиси, шоир ва публисист Салим Ашур ҳамда Ёзувчилар уюшмаси аъзоси, шоир Шоди Отамурод ва банк ходимлари қатнашишди.
Тадбирда Навоий ижодининг бетакрор жиҳатлари, юксак инсоний фазилатлари хусусида қизиқарли баҳс-мунозаралар ҳам бўлиб ўтди. Бобур ўзбек тарихида том маънода йирик шахс. Унинг тарихчи олим, зукко адиб ва дилбар шоир сифатида қолдирган адабий мероси бебаҳодир. Унинг лирикаси адабиётдаги ўзига хос лирика эканлиги меҳмонлар томонидан эътироф этилди ва адибнинг шоҳ сари «Бобурнома» ҳақида маълумот берилди.
Шунингдек, тадбир давомида ходимлар ўртасида Навоий ва Бобур ижодига бағишланган қизиқарли викторина ташкил этилиб, буюк сиймоларнинг ғазал ва рубоийларини ёддан ўқиб берганларга ҳамда викторина ғолибларига эсдалик совғалари топширилди.
Тадбир сўнгида Ёзувчилар уюшмаси томонидан банк кутубхонасига 200 дан ортиқ турли номдаги китоблар жамланмаси тақдим этилди.
Банк Ахборот хизмати
Яна кўринг
Метро ва автобусда янада қулай тўлов!
Инфографика: Коррупцион ҳолатлар бўйича
Aлоқа каналларига 168 та мурожаатлар келиб тушган
