Жорий йилнинг 6-8 май кунлари Бош офисда Чакана бизнес бўйича ишлаётган ходимларнинг билим ва малакаларини ошириш, иш жараёни самарадорлигини кўтариш мақсадида каскад усулида семинар-тренинг ташкил этилди. 

Семинарда 1-чоракда чакана бизнес йўналишида энг самарали ишлаган банкнинг барча ҳудудларидан келган 25 нафар ходимлар ўзаро тажриба алмашиш имконига эга бўлди.

Тренинг жараёнида Бош банкнинг Персонални ўқитиш ва ривожлантириш маркази, Чакана бизнес, Кредитларни маъқуллаш, Кредитларни бошқариш, Cалл марказ, Маркетинг ва реклама бошқармаси, Тармоқларни ривожлантириш бошқармаси, Маврид жамоаси ва бошқа департаментлардаги профессионал мутахассислар томонидан назария ва амалиётни уйғунлаштирувчи «Мастер класс» дарслари олиб борилди.

2.png

Уч кун давом этган «Мастер класс» дарслари иштирокчилар томонидан ҳолис баҳоланди ҳамда тингловчилар танловига кўра: Персонални ўқитиш ва ривожлантириш маркази (Х.Маматкулов), Чакана бизнес департаменти (А.Чартаев), Кредитларни маъқуллаш департаменти (М.Абдурахмонов), Кредитларни бошқариш департаменти (Ж.Уролов), Алоқа маркази (А.Абдурахмонов), Маркетинг ва реклама бошқармаси (Ж.Акрамов), Тармоқларни ривожлантириш бошқармаси (Ш.Базарбаев), Маврид жамоаси (Ж.Тоиржонов) мутахассисларининг тақдимотлари энг яхши деб эътироф этилди.

Семинар якунида тингловчилар банк Раҳбарияти томонидан сертификат ва ўз иш фаолиятида эришган натижалари бўйича ташаккурномалар билан тақдирланди. 

Шу ўринда таъкидлаш керакки, бу каби семинар-тренингларнинг муҳимлиги ва уни ҳар чорак якуни бўйича ташкил этиш мақсад қилинди.

Банк Ахборот хизмати