“Микрокредитбанк” АТБда мижозларга кўрсатилаётган хизматлар сифатини янада ошириш ҳамда кредит ажратиш жараёнларининг самарадорлигини кучайтириш мақсадида CRM ELMA кредит конвеери тизимини комплекс аудитдан ўтказиш режалаштирилмоқда.
Банк томонидан мижозларга тезкор ва сифатли хизмат кўрсатишни таъминлаш мақсадида “Tune Consulting” МЧЖ билан ҳамкорликда CRM ELMA кредит конвеери тизими жорий этилган бўлиб, айни пайтда ушбу платформа орқали мижозларга хизмат кўрсатиб келинмоқда.
Лойиҳанинг навбатдаги босқичида тизимнинг барқарор, узлуксиз ва хавфсиз фаолиятини таъминлаш, мавжуд бизнес ҳамда техник жараёнларни чуқур таҳлил қилиш, шунингдек, аниқланган камчиликларни бартараф этиш бўйича комплекс аудит ишлари амалга оширилади. Шу муносабат билан яқин кунлар ичида аудит учун техник топшириқ (ТЗ) ишлаб чиқиб, пудратчи ташкилотлардан дастлабки тижорат таклифларини олиш ҳамда аудит лойиҳаси бўйича танлов жараёнларини ташкил этиш режалаштирилган.
Мазкур аудит натижалари CRM ELMA кредит конвеери тизимини янада такомиллаштириш, кредитлаш жараёнларини оптималлаштириш ва мижозларга кўрсатилаётган хизматлар сифатини янги босқичга олиб чиқишга хизмат қилади.
Банк Ахборот хизмати
Яна кўринг
МКБАНК “ZAAMIN ULTRA” 2026да!
МКБАНКдан — Онлайн Эскроу хизмати!
Эндиликда мижозлар банк бўлимларига ташриф буюрмасдан туриб, масофадан эскроу ҳисобварағини очишлари ва уни бошқаришлари мумкин.
