Ўзбекистон Республикаси Президентининг “Деҳқон хўжаликлари ташкил этишни қўллаб-қувватлаш орқали аҳоли даромадларини ошириш бўйича қўшимча чора-тадбирлар тўғрисида”ги ҳамда “Мева-сабзавотчилик ва узумчиликда оилавий тадбиркорликни ривожлантириш, қишлоқ хўжалиги ишлаб чиқаришида деҳқон хўжаликлари улушини ошириш чора-тадбирлари тўғрисида”ги қарорлари ижросини таъминлаш мақсадида аниқ вазифалар белгиланган. Мазкур ҳуқуқий ҳужжатлар асосида ҳудудлардаги сувли, унумдор ер майдонларидан 50 сотихдан бир гектаргача ерларнинг ишсиз фуқароларга узоқ йиллик ижара асосида берилиши орқали қишлоқ хўжалиги экинлари етиштириб, аҳоли бандлигини таъминлаш ва уларнинг даромадларини оширишга эришилмоқда.
Aлбатта, деҳқонларнинг ҳосил етиштиришдаги харажатларини қоплашида “Микрокредитбанк” AТБ ҳам фаол иштирок етмоқда. Мисол учун, Самарқанд вилояти Нарпай тумани Чорвоқ маҳалласидаги 294-контурда 30 нафар ёшга 33 сотихдан ажратилган ер майдонида ловия маҳсулоти экилди. Aгрегатор ва кооператив аъзолари ўртасида фючерс шартномалари имзолатилди. Дастлабки ҳисоб-китоблар натижасида бир кооператив аъзоси 2 такрорий экиндан 80 млн. сўм даромад олиши режалаштирилган.
Aмалга оширилган ишлар натижасида 2 888 нафар кооператив аъзолари 1 ва 2 екиндан олинадиган даромадлари 70 млн. сўмдан ва соф даромадлари 50 млн. сўмдан юқори бўлиши режалаштирилган.
Таъкидлаш ўринлики, деҳқон хўжаликларига ижарага берилган 100 дан ортиқ контурдаги 880 гектар ер майдонларида “Бир контур, бир маҳсулот” тамойили асосида намунали лойиҳаларни амалга ошириш учун 77 та агрегаторлар танлаб олинди.
Aгрегаторлар томонидан биринчи экинда 78 та маҳаллага 855 гектар ер майдонига “Бир контур, бир маҳсулот” тамойили асосида полиз ва мева-сабзавот экинлари экилди. Aгрегаторларга банк томонидан 2,9 млрд сўм имтиёзли кредитлар ажратилди. Ушбу агрегаторларга 2 973 нафар киши кооперация аъзоси сифатида бириктирилди.
Кооператив аъзолари томонидан юқори даромадли ва экспортбоп (қишки қовун-тарвуз, гулкарам, қизил лавлаги, ловия ва сабзи-шолғом) маҳсулотлари экилмоқда. Ҳозирга қадар 70 дан ортиқ агрегаторлар томонидан контурларда кооператив аъзолари билан биргаликда экинлар экилди.
“Бир контур – бир маҳсулот” тамойили асосида қишлоқ хўжалик маҳсулотларини етиштириш намунали лойиҳасини амалга ошириш бўйича давлатимиз раҳбарининг тегишли қарорларига асосан 2022-2024-йилларда аҳолига ижарага ажратилган ер майдонларидан самарали фойдаланиш, уларнинг даромадларини ошириш ва юқори даромадли, экспортбоп маҳсулотлар етиштириш бўйича амалий ишлар давом этмоқда.
Банк ахборот хизмати
