Жорий йилнинг 19 июнь куни Андижон вилоятида Микрокредитбанк ва Марказий банк ҳамкорлигида маҳалла агентлари учун навбатдаги ўқув семинари бўлиб ўтди.
Мазкур семинар аҳолига кўрсатилаётган молиявий хизматлар сифатини ошириш, маҳалла агентларининг касбий билим ва кўникмаларини янада мустаҳкамлаш ҳамда молиявий инклюзияни кенгайтириш мақсадида ташкил этилди.
Тадбир давомида иштирокчиларга банк хизматлари ва маҳсулотлари, рақамли банк хизматларидан самарали фойдаланиш, аҳолининг молиявий саводхонлигини ошириш, мижозлар билан ишлаш маданияти ҳамда амалдаги меъёрий-ҳуқуқий ҳужжатлардаги янгиликлар бўйича батафсил маълумотлар берилди.
Шунингдек, семинар давомида МКАБНК маҳалла агентлари фаолиятида учраётган муаммолар ва уларнинг ечимлари муҳокама қилиниб, амалий тавсиялар ҳамда тажриба алмашиш сессиялари ташкил этилди. Мутахассислар томонидан агентларнинг саволларига атрофлича жавоб берилиб, уларнинг кундалик фаолиятида зарур бўладиган билим ва кўникмаларни янада ривожлантиришга алоҳида эътибор қаратилди.
Бундай ўқув семинарлар маҳалла агентларининг малакасини ошириш, банк ва аҳоли ўртасидаги ҳамкорликни мустаҳкамлаш ҳамда молиявий хизматларнинг қулайлиги ва оммабоплигини таъминлашда муҳим аҳамият касб этади.
Таъкидлаш керакки, Микрокредитбанк ҳудудларда маҳалла агентлари учун бундай ўқув семинарларини мунтазам ташкил этиб боради.
Банк Ахборот хизмати
Яна кўринг
МКБАНК раҳбарияти “Долзарб 40 кунлик” доирасида маҳаллаларни ўрганди
Аниқланган масалаларни ҳал этишда банкнинг ҳудудий бўлинмалари ҳамда “маҳалла еттилиги” билан ҳамкорликни янада кучайтириш бўйича тегишли вазифалар белгиланди.
“МУСТАҚИЛЛИК ВА МЕН” — РАСМЛАР ТАНЛОВИГА МАРҲАМАТ!
Танловда 6–11 ёшдаги банк ходимларининг фарзандлари иштирок этиши мумкин.
