Коррупцияга қарши курашиш агентлиги томонидан яратилган E-ANTICOR платформасига маълумотларни жойлаштириш бўйича МКБAНК ходимлари учун ўқув-семинари бўлиб ўтди.
Семинарда Ўзбекистон Республикаси Президентининг 2022-йил 12-январдаги “Коррупцияга қарши курашиш ишларининг самарадорлигини рейтинг баҳолаш тизимини жорий этиш чора-тадбирлари тўғрисида”ги ПҚ-81-сон қарори ижросини таъминлаш бўйича маълумотлар берилди.
Ушбу семинар-тренингдан кўзланган асосий мақсад банкда коррупсияга қарши курашиш бўйича тадбирларнинг самарадорлигини таҳлил қилиш, баҳолаш ва камчиликларни бартараф этишга қаратилган. Шу жумладан, електрон платформадан фойдаланиш тартибини тушунтириш, уларнинг бу борадаги билим ва кўникмаларини оширишдан иборат бўлди.
Семинар агентликнинг масъул ходими Юлдашев Равшан Aдҳамжанович томонидан ўтказилди.
Маълумот учун: рейтинг баҳолаш бешта йўналиш бўйича белгиланган индикаторлар асосида амалга оширилади:
- давлат ташкилотларида коррупсияга қарши курашиш бўйича механизм ва ҳуқуқий асосларнинг яратилганлиги ва амалиётга татбиқ этилганлиги;
- коррупциявий хавф-хатарларни аниқлаш, баҳолаш ва уларни камайтириш бўйича тадбирларнинг амалга оширилганлиги;
- давлат ташкилотлари раҳбарларининг коррупсияга қарши муросасиз муносабатни кўрсатувчи хатти-ҳаракатларининг мавжудлиги;
-ходимларнинг коррупцияга қарши курашишга оид ички тартиб-таомиллардан хабардорлиги ҳамда ушбу соҳада билим ва кўникмаларини ошириш бўйича тадбирларнинг амалга оширилганлиги;
- коррупсияга қарши курашиш бўйича тегишли соҳа ёки тармоқ кесимида аҳолининг ҳуқуқий онги ва ҳуқуқий маданиятини юксалтириш, ушбу иллатга нисбатан муросасиз муносабатни шакллантиришга қаратилган тарғибот тадбирларининг самарадорлиги.
Рейтинг баҳолаш “Е-Anticor.uz” электрон платформаси орқали ташкил этилиши эса рейтинг шакллантиришда тўлиқ объективлик ва шаффофликни таъминлайди.
Банк Aхборот хизмати
Яна кўринг
MKBANK PAYSEND халқаро пул ўтказмаси билан ҳамкорликни йўлга қўймоқда
“Микрокредитбанк” АТБ тизимида коррупциянинг олдини олиш чоралари янада кучайтирилмоқда
