Экспортни ривожлантириш учун — 10 млн долларгача молиявий ресурс

Валюта	Сотиб олиш	Сотиш	Ўзб МБ
USD	11910	12020	11965.51
EUR	12700	13700	13437.27
RUB		150	145.96
GBP	15100	16100	16029
CHF	13800	14800	14510.68
JPY	50	100	75.78

Экспорт ҳажмини ошириш, ишлаб чиқаришни кенгайтириш ва маҳсулотларни ташқи бозорларга етказиб бериш жараёнларини молиявий қўллаб-қувватлаш мақсадида «Микрокредитбанк» АТБ томонидан «Экспортни рағбатлантириш» кредити таклиф этилмоқда.

Мазкур кредит қишлоқ хўжалиги, саноат ва савдо корхоналарининг айланма маблағларини тўлдириш, шунингдек, қишлоқ хўжалиги маҳсулотларини калибровка қилиш ва махсус идишларда қадоқлаш лойиҳаларини молиялаштиришга йўналтирилади.

Кредитнинг асосий шартлари:

хорижий валютада — 4 фоиздан;
миллий валютада — 14 фоиз;
кредит миқдори — корхонанинг сўнгги 12 ойда амалга оширган экспорт ҳажмидан келиб чиқиб, хорижий валютада 10 млн АҚШ долларигача, миллий валютада 15 млрд сўмгача.

Кредит муддати корхонанинг фаолият йўналиши ва лойиҳасидан келиб чиқиб белгиланади. Айрим экспортчи корхоналар учун кредит муддати 18, 24 ёки 36 ойгача бўлиши мумкин.

Шунингдек, молиявий ресурс миқдори 500 минг АҚШ доллари ва ундан юқори бўлган ҳолатларда тегишли масала Ҳукумат комиссиясига қарор қабул қилиш учун икки иш куни ичида киритилади.

«Экспортни рағбатлантириш» кредити орқали тадбиркорлик субъектлари ишлаб чиқариш ва экспорт фаолиятини молиялаштириш, айланма маблағларини мустаҳкамлаш ҳамда маҳсулотларини халқаро бозорларга чиқариш имкониятларидан фойдаланишлари мумкин.

Банк Ахборот хизмати