Жорий йилнинг 12 июнь куни "БАСТИОН" телеграм каналида Асака туманида яқиндагина Микрокредитбанкнинг янги филиали реконструкция қилингани, лекин шундоқ катта, янги жиҳозланган банкда электрон навбат йўлга қўйилмагани ҳақида мурожаат эълон қилинди.
Мазкур мурожаат масъуллар томонидан ўрганилди.
Маълумки, «Микрокредитбанк» АТБ тизимида хизмат кўрсатиш сифатини яхшилаш, ҳудудий тармоқларда навбат билан келиб чиқадиган муаммо ҳамда ноқулайликларннг олдини олиш ва банк мижозларига қулайликлар яратиш мақсадида "Электрон навбат” қурилмаларини ўрнатиш ишлари олиб борилмоқда.
Бугунги кунда республикамиз бўйича мавжуд 150 дан ортиқ Банк хизматлари офиси ва марказларида жами 74 дона «Электрон навбат» тизими орқали мижозларга хизмат кўрсатилмоқда. Режага асосан, 2025 йил охиригача қолган банк хизматлар марказлари, хусусан Асака банк хизматлари марказига ҳам ушбу қурилма ўрнатилишини маълум қиламиз.
Банк Ахборот хизмати
Яна кўринг
Техник созлаш ишлари амалга оширилади!
МКБАНКда "Қадринг баланд бўлсин, Она тилим!" шиори остида Оммавий диктант танлови ўтказилди
