Президентимизнинг 2024 йил 12 августдаги “Факторинг хизматлари бозорини жадал ривожлантириш чора-тадбирлари тўғрисида”ги фармони қабул қилиниб, ушбу тизимни ривожлантириш истиқболлари белгилаб берилгандан кейин факторинг хизматларидан фойдаланувчи тадбиркорлар сони ортиб бормоқда.
Aйниқса, фармон билан юртимизда факторинг хизматларини ривожлантириш учун тижорат банкларига ҳам бир қатор вазифалар юклатилди. Жаҳон тажрибасидан келиб чиқиб, ушбу молиявий хизматни ривожлантиришнинг тадбиркорлар учун қулайлик томонлари бисёр.
Микрокредитбанк тизимида ҳам янгидан Факторинг хизматларини кўрсатиш бўлими ташкил этилиб, тажрибали мутахассислар билан тўлдирилди. Банкда факторинг хизматларини кенгайтириш мақсадида “OZPLANET” билан электрон платформадан фойдаланиш бўйича шартнома имзоланди. Қисқа вақт ичида ушбу платформа ёрдамида 6 нафар мижозга банк томонидан 21 млрд. сўмдан ортиқ маблағлар тўлаб берилди. Келгусида факторинг хизматларидан фойдаланувчи тадбиркорлар сонини ошириш борасида ҳам тизимли ишлар олиб борилмоқда.
Маълумот ўрнида айтиш лозимки, банк томонидан корпоратив, кичик ва ўрта бизнес вакиллари, ишлаб чиқарувчилар, савдо компанияларига 180 кун муддатгача (олди сотди ёки хизмат кўрсатиш шартномалари тўлов муддатидан келиб чиқиб), 8 фоизгача дисконт шартлари асосида факторинг хизматлари таклиф этиб келинмоқда.
Банк Aхборот хизмати
Яна кўринг
Коррупцияга қарши кураш бўйича брифинг ўтказилди
WE-Finance Code ташаббусининг йиллик ҳисобот йиғилиши бўлиб ўтди
