26-май куни "Бастион" телеграм тармоғида банкнинг Андижон вилоят ҳудудий бошқармаси томонидан маҳалларга бириктирилган ёрдамчи-агентларнинг иш режимидан норози бўлган мурожаати эʼлон қилинди.
Шуни маʼлум қиламизки, Андижон вилоятида 117 та маҳаллага 29 нафар маҳалла банкири ҳамда ҳар бир маҳаллага маҳаллани яхши биладиган ёрдамчи агентлар бириктирилган бўлиб, улар томонидан аҳоли бандлигини таʼминлаш, молиявий саводхонлигини ошириш, банк маҳсулотларини аҳолига тақдим этиш борасида тизимли ишлар амалга оширилмоқда. Натижада жорий йилнинг ўтган даврида ҳудудга бириктирилган маҳалла банкири ва ёрдамчи агентлар томонидан 230,6 млрд сўмлик кредитлар ажратилишига ва 6 768 нафар аҳоли бандлигини таʼминлашга эришилди.
Айни пайтда маҳаллаларга бириктирилган банкир ва ёрдамчи агентлардан иш тартиби юзасидан шикоятлар келиб тушмади ҳамда улар ўзларига юклатилган вазифарни бажариб келишмоқда.
Шу ўринда юқоридаги мурожаатда шикоятчининг шахсий маʼлумотларини аниқлаш имконсизлиги сабабли, тўлиқ ўрганишнинг имкони бўлмаганлигини маʼлум қиламиз.
Банк Ахборот хизмати
Яна кўринг
Тарихий қадам: MIGA кафолати остида халқаро инвестицияларни жалб қилинди
