Бугунги кунда аҳолининг турмуш фаровонлигини янада яхшилаш, аввало, уларнинг даромадларини ошириш, янги иш ўринлари яратиш, маҳаллаларда касаначиликни ташкил этиш ва ривожлантириш орқали маҳсулот ишлаб чиқариш ҳамда хизматлар кўрсатиш кўламини кенгайтириш бўйича «Микрокредитбанк» АТБ томонидан тадбиркорлар молиявий қўллаб-қувватланмоқда. Ғиждувонлик Дилноза Саидова раҳбарлигидаги Нодирабегим тикув корхонаси бунга бир мисол.
Тадбиркор Дилноза Саидова дастлаб фаолиятини 2021 йилнинг февраль ойида банк томонидан ажратилган кредит маблағлари асосида 7 та тикув машинаси сотиб олиш билан бошлади. Кичкинагина цехида ишлаб чиқарилаётган маҳсулотлар сифатли ва ҳамёнбоп бўлгани учун ҳам қисқа фурсатда ўз харидорларига эга бўлди. Дилноза қўшимча маблағ сарфлаб замонавий тикув дастгоҳлари сотиб олди ва устоз-шогирд мактаби асосида маҳалласидаги ишсиз хотин-қизларни ҳам ишга жалб қила бошлади. Жорий йилнинг май ойида «Микрокредитбанк» АТБ ҳомийлигида касаначиликни қўллаб-қувватлаш мақсадида мазкур тикув цехи учун кенг ва шинам 150 ўринли бино қуриб берилди.
Дилноза Саидованинг келажак режалари ҳам катта. У хотин-қизлар учун мўлжалланган либослар тикиш билан чегараланиб қолмоқчи эмас. Эндиликда у эркаклар кийим бошлари, костюм-шимлари, махсус формалар ва болалар кийим-кечакларини ҳам ишлаб чиқармоқчи ва келгусида иш ўринларини минг нафарга етказмоқчи.
Жондор тумани Ушот маҳалласида яшовчи Шаҳноза Шарипова эса каштачилик ҳунари билан болалигидан шуғулланиб келади. Момомерос бўлган ҳунари бугун Шаҳноза учун даромад манбаига айланган. У фаолиятини 2022 йилда «Микрокредитбанк» АТБ Бухоро вилояти Жондор БХМ томонидан оилавий тадбиркорликни ривожлантириш дастурлари доирасида 33 млн.сўм имтиёзли кредит маблағи олиб бошлаган эди. Кредит маблағларини ўз вақтида сўндириб, 2023 йилда қиймати 500 миллион сўм бўлган «Ворис каштачилари» лойиҳасини амалга оширди.
- Ўтган 2023 йилда туманимизда яна бир янги фаолият тури — “Ворис каштачилари" ҳунармандчилик марказида чарм маҳсулотлари ишлаб чиқариш фаолиятини ҳам йўлга қўйдик. Дастлаб бу ерда 15 нафар хотин-қизлар меҳнат қилган бўлса, эндиликда улар сони 60 нафарда ошган, — дейди Шаҳноза Шарипова.
Биргина Бухоро вилояти бўйича «Микрокредитбанк» АТБ томонидан жорий йилнинг ўтган даврида «Ҳар бир оила тадбиркор» дастури доирасида 9,3 млрд. сўм миқдордаги кредит маблағлари ажратилиб, касаначилик ва тикувчилик йўналишида 1000 нафардан ортиқ ишсиз аҳолининг бандлиги таъминланди. Микрокредитбанк аҳоли даромадларини ошириш, хотин-қизларни, ишсиз опа-сингилларимизнинг қўшимча даромадга эга бўлишларини таъминлаш бўйича молиявий қўллаб-қувватлашда давом этади.
Банк Ахборот хизмати
Яна кўринг
МКБАНКда маънавий-маърифий учрашув ўтказилди
Мутахассис ва олимлар томонидан мавзуга оид маърузалар қилиниб, Президентимиз нутқида илгари сурилган муҳим ғоя ва ташаббусларнинг мазмун-моҳияти атрофлича ёритиб берилди.
Байрам кунлари ҳам ишлаймиз!
