“Микрокредитбанк” АТБ ва “Abu Dhabi Uzbek Investment” (ADUI) МЧЖ қўшма корхонаси ўртасидаги келишувга асосан, Ўзбекистонда кичик ва ўрта бизнесни ривожлантириш мақсадида 11 миллион АҚШ доллари миқдорида маблаг жалб қилинди.
Сўнгги йилларда “Микрокредитбанк” томонидан юртимиздаги кичик ва ўрта бизнес вакилларининг 100 минг АҚШ долларигача бўлган лойиҳаларини молиялаштиришга алоҳида эътибор қаратилмоқда. Бунда банк ҳужжатларни йиғиш ва қайта ишлаш жаряонларини янада соддалаштириш, шунингдек, тадбиркорларни молиялаштириш бўйича қарорлар қабул қилиш ёндашувини қайта кўриб чиқди. Натижада тадбиркорларга кредит ажратиш жараёнлари муддати беш кунгача қисқарди.
Маълумот учун, “Abu Dhabi Uzbek Investment” МЧЖ ҚК Ўзбекистон Республикаси Президентининг 2019 йил 20 майдаги УП-5722-сон қарорига асосан Абу-Даби Тараққиёт жамғармаси (75 фоиз улуш) ва Ўзбекистон Тикланиш ва тараққиёт жамғармаси (25 фоиз улуш) иштирокида ташкил этилган.
Ушбу қўшма корхонанинг мақсадли капитали 1 миллиард долларни ташкил этади. Сўнгги 4 йилда компания Ўзбекистон Республикаси иқтисодиётининг турли тармоқларига қарийб 180 миллион АҚШ доллар миқдорида сармоя киритди.
Эътиборлиси, “Abu Dhabi Uzbek Investment” МЧЖ кичик ва ўрта бизнесни молиялаштириш дастурини 2020 йилда ишга туширган бўлиб, унга асосан умумий қиймати 50 миллион АҚШ доллари миқдорида маблағлар ажратилди. Мазкур маблағлар ҳисобидан бугунги кунга қадар дастур доирасида мамлакатимизнинг етакчи ҳамкор банклари иштирокида иқтисодиётнинг қишлоқ хўжалиги, тўқимачилик, савдо, қурилиш, туризм ва бошқа тармоқларида 1000 дан ортиқ тадбиркорлик субъектларининг лойиҳалари молиялаштирилди.
Яқинда «Микрокредитбанк» АТБга ажратилган 11 млн. АҚШ долларилик маблағ ҳам юртимиздаги кичик ва ўрта бизнес вакилларининг лойиҳаларини молиявий қўллаб-қувватлашга йўналтирилади.
Банк Ахборот хизмати
Яна кўринг
Техник созлаш ишлари амалга оширилади!
МКБАНКда "Қадринг баланд бўлсин, Она тилим!" шиори остида Оммавий диктант танлови ўтказилди
