МКБАНК ходимларининг малакасини ошириш бўйича жорий йилнинг 24 май куни Тошкент шаҳридаги "Гранд Мир Ҳотел" меҳмонхонасида семинар-тренинг бўлиб ўтди.
Ушбу семинар-тренингда 98 нафар юридик лавозимда фаолият юритадиган банк ходимлари иштирок этишди. Мазкур тадбирни "Микрокредитбанк" АТБ Юридик департаменти директори М.Пулатова очиб берди.
Семинар-тренингда спикерлар мақсадсиз сарфланган кредитлар бўйича жиноят иши қўзғатишда ариза бериш тартиби, ўзига хос хусусиятлари ҳақида суд ҳужжатларини ижро этиш билан боғлиқ масалалар, гаров балансини қабул қилишда қонунчиликдаги ўзгаришлар каби қатор мавзуларда маъруза қилишди. Ходимларга ҳуқуқий тушунчалар берилди Ҳуқуқий савол-жавоблар билан бир қаторда ташкилотда низоли вазиятларни бошқаришнинг психологик асослари ҳам тушунтириб ўтилди.
Шунингдек, тадбирда сўзга чиққан спикерлар — Тошкент шаҳар Миробод туман прокуратураси катта терговчиси Қувончбек Сиддиқов, Фуқаролик ишлари бўйича Зангиота туманлараро судининг судьяси Ойбек Баракаев, 3-даражали суд бошқарувчиси Одилжон Аҳмаджонов, Ўзбекистон Республикаси бош прокуратураси ҳузуридаги Мажбурий ижро бюроси фуқаролик ишлари бўйича судлар ҳужжатларини ижро этиш бўлими катта инспектори Рустамжон Раззоқов, Меҳнат қонунчилиги бўйича етакчи эксперт мутахасис Гулнар Саримсақова ҳамда Фалсафа фанлар доктори, психолог, сиёсатшунос "Меҳнат шуҳрати" ордени соҳибаси Жамила Шермуҳаммедовалар ходимлар ўртасида юзага келиши мумкин бўлган низоли вазиятларни бартараф этиш, ўзаро конфликтларнинг олдини олиш каби мавзуларда сўз юритишди.
Бир сўз билан айтганда, семинар жуда қизғин мавзуларга бой бўлди. Ходимлар ўзларини қизиқтирган барча саволларига жавоб олишди. Таъкидлаш керакки, бундай тадбирлар ўтказилишидан асосий мақсад, ходимлар малакасини ошириш ва муаммоли вазиятларнинг олдини олишдир.
Банк Ахборот хизмати
Яна кўринг
МКБАНКнинг "Bank of China"да тўғридан-тўғри корреспондентлик ҳисобварағи очилди
