Китоб – энг яқин дўстимиз: МКБАНКда навбатдаги китоб ярмаркаси

Биламизки, китоб – тафаккур калити, инсонни илҳомлантирувчи, ҳаётга янгича нигоҳ бахш этувчи манба. Ана шу мақсадда банк Бош офисида китоб ярмаркаси ташкил этилди.

Бугунги тадбир ҳам банк томонидан ходимлар ўртасида китоб ўқишга бўлган қизиқишни ошириш, уларнинг интеллектуал салоҳиятини кенгайтириш ва маънавий-маърифий дунёқарашини бойитиш хизмат қилди.

“BOOK.uz” билан ҳамкорликда ташкил этилган кўргазмада 2 000 га яқин илмий ва бадиий китоблар намойиш этилди. Ярмаркада нафақат бадиий адабиёт, балки иқтисодий, психологик-мотиватсион, тарихий, илмий-оммабоп ҳамда болалар учун мўлжалланган энциклопедия ва эртак китоблари ҳам кенг ўрин олди.

Шунингдек, жаҳон ва ўзбек адабиётининг нодир намуналаридан иборат дурдона китоблар банк ходимларида катта қизиқиш уйғотди.

Тадбир жараёнида кўпчилик ходимлар ўзлари учун янги муаллифлар ва асарларни кашф этди.

Кимдир узоқ кутилган севимли асарини топди, кимдир эса ўқишни энди одатга айлантириш ниятида биринчи китобини харид қилди.

Бу маънавий мулоқот, илҳом ва фикр алмашув майдони сифатида ҳам эсда қоларли бўлди.

МКБАНК жамоаси учун бундай ташаббусларни анъанавий тарзда давом эттиради.

Банк Ахборот хизмати