Микрокредитбанк томонидан ходимлар ўртасида китоб ўқишга бўлган қизиқишни ошириш, уларнинг интеллектуал салоҳиятини кенгайтириш ва маʼнавий-маʼрифий дунёқарашини бойитиш мақсадида навбатдаги муҳим ташаббус амалга оширилди. Банк Бош офисида китоб ярмаркаси ташкил этилди.
Унда “Ўзбекистон” нашриёти томонидан 2 000 га яқин илмий ва бадиий китоблар намойиш этилди. Ярмаркада нафақат бадиий адабиёт, балки иқтисодий, психологик-мотивацион, тарихий, илмий-оммабоп ҳамда болалар учун мўлжалланган энсиклопедия ва эртак китоблари ҳам кенг ўрин олди.
Шунингдек, жаҳон ва ўзбек адабиётининг нодир намуналаридан иборат дурдона китоблар банк ходимларида катта қизиқиш уйғотди.
Китоб ярмаркаси нафақат маʼрифий, балки тарбиявий аҳамиятга ҳам эга бўлди.
У ходимлар ўртасида ўзаро фикр алмашиш, янги адабиётлар билан танишиш ва билим доирасини кенгайтириш учун мулоқот майдонига айланди.
Микрокредитбанк бу каби тадбирларни келгусида ҳам мунтазам равишда ташкил этишни режалаштирган. Чунки бугунги ахборот асрида замонавий билим ва маʼлумотга эга бўлиш, интеллектуал ривожланиш, энг аввало, китобга мурожаат қилишдан бошланади.
Банк Ахборот хизмати
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
