Таъкидлаш жоизки, мамлакатимизда коррупцияга қарши курашиш ҳамда ушбу турдаги жиноятларнинг содир этилишининг олдини олишга қаратилган комплекс чора-тадбирлар тизимли равишда амалга оширилмоқда. Давлат ва жамият ҳаётининг барча соҳаларида коррупция омилларини келтириб чиқараётган тизимли муаммоларни бартараф этишга қаратилган қатор норматив-ҳуқуқий ҳужжатлар қабул қилиниб, амалий ҳаётга татбиқ этилмоқда.
Хусусан, “Микрокредитбанк” АТБ Қашқадарё вилоят ҳудудий бошқармаси ходимлари учун ҳам ана шу ишлар хусусида “Коррупция тараққиёт кушандаси” мавзусида ўқув семинари ташкил этилди.
Унда банк раҳбарияти ва ходимлари, шунингдек, Қашқадарё вилоят прокуратураси бўлим бошлиғи Беҳруз Пўлатов, вилоят ички ишлар бошқармаси киберхавфсизлик масъул ходими Ойбек Набиев, вилоят Миллий гвардия бошқармаси взвод командири Азиз Ҳамраевлар иштирок этишди.
Семинар давомида юртимизда коррупциянинг олдини олишга қаратилган чора-тадбирлар амалга оширилаётган бўлса-да, ҳуқуқни қўллаш амалиётида мансабдор шахсларнинг коррупция билан боғлиқ жиноятларни содир этаётганлик ҳолатлари ҳали ҳамон учраётганлиги алоҳида таъкидланди. Коррупция жиноятларининг асосан тиббиёт, таълим, давлат хизмати кўрсатиш, хусусан банк ва тадбиркорлик субъектлари фаолиятига лицензия ҳамда рухсат бериш билан боғлиқ соҳаларда камаймаётганлиги ташвиш билан қайд этилди.
Мазкур иллат демократия ва ҳуқуқ устуворлиги асосларига путур етказиши, инсон ҳуқуқлари бузилишига олиб келиши, бозорлар фаолиятига тўсқинлик қилиши, ҳаёт сифатини ёмонлаштириши ва одамлар хавфсизлигига таҳдид соладиган уюшган жиноятчилик, терроризм ва бошқа ҳодисалар илдиз отиши учун шароит яратиб бериши мисоллар билан тушунтирилди.
Ўқув семинари сўнгида ходимлар ўзларини қизиқтирган саволларга жавоб олиш билан бирга, бу иллатга биргаликда курашиш лозимлигини билдиришди.
Дарҳақиқат, бугун коррупцияга қарши курушиш, уни олдини олиш ҳар биримизнинг вазифамиз ҳисобланади. Жамиятимизда қанча коррупция иллатлари кам бўлса, жамият тараққиёти шунча ривожланади.
Банк Ахборот хизмати
Яна кўринг
Техник созлаш ишлари амалга оширилади!
МКБАНКда "Қадринг баланд бўлсин, Она тилим!" шиори остида Оммавий диктант танлови ўтказилди
