“Коррупцияга қарши биргаликда курашамиз” мавзусида семинар ўтказилди

Коррупция дунё миқёсида ҳал этилиши лозим бўлган глобал муаммолардан биридир. Ушбу иллат ҳар қандай давлат ва жамиятнинг сиёсий-иқтисодий ривожланишига жиддий путур этказиб, инсон ҳуқуқ ва эркинликларининг поймол бўлишига олиб келади. Шу боис ҳар бир шахс ўзида бунга нисбатан ўзида иммунитет шакллантириши ва муросасиз жавоб беришга қодир бўлиши лозим.

Bilamizki, davlatimiz rahbari ko‘plab ma’ruza va chiqishlarida loqaydlik, beparvolik, poraxo‘rlik, korrupsiya, soxtakorlik, mansab vakolatini suiiste’mol qilishga qarshi kurash butun jamiyatning maqsadiga aylanishi kerakligi to‘g‘risida bot-bot ta’kidlab o‘tadilar.

Ана шу ғояни банк ходимлари учун ҳам шиорга айлантириш мақсадида, “Микрокредитбанк” АТБ Қорақалпоғистон Республикаси ҳудудий бошқармаси ва БХО, БХМларда ишловчи ходимлар учун навбатдаҳи ўқув-семинари ташкил этилди.

Ўқув машғулотлари давомида коррупция ҳолатларининг ҳар қандай кўринишларига нисбатан муросасиз муносабатда бўлиш ва унга қарши аёвсиз курашиш борасида маълумотлар берилди.

200 нафардан ортиқ ходимлар иштирок этган ўқув семинари савол-жавоблар ва қизғин мунозарлар тарзида ўтди.

Семинар сўнгида банк ходимлари тестдан ўтказилди ва юқори балл олганлар муносиб рағбатлантирилди.

Шунингдек, куннинг иккинчи ярмида банк ходимлари ҳуқуқни муҳофаза қилувчи органлар билан ҳамкорликда давра суҳбати ҳам ташкил этилди.

Очиқ мулоқат тарзида ўтказилган давра суҳбати давомида аҳолининг ҳуқуқий онги ҳамда ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантиришда Ўзбекистон Республикаси Қонун ва қонун ости ҳужжатлари билан ишлаш, уларнинг мазмун-моҳияти, замонавий аксилкоррупсион тизимларни жорий этиш тўғрисида ўзаро фикрлар алмашилди.

Шунингдек, тадбир охирида коррупцияга қарши курашиш, мунтазам равишда амалга оширилиши зарур бўлган долзарб вазифалардан бирига айланиши лозимлиги таъкидланди.

Банк Ахборот хизмати