Ма’лумки, коррупсия жамиятнинг демократия ва адолат тамойиллари устуворлигига жиддий путур етказиб, инсон ҳуқуқлари бузилишига, қадр-қиммати топталишига олиб келади ҳамда давлат ва жамият тараққиётига то‘сқинлик қилиб, фуқаролар турмуш даражасини ёмонлаштиради.
Бугунги кунда коррупсия муаммосига жаҳоннинг деярли ҳар бир мамлакатида дуч келиш мумкин. Коррупсия сўнгги йилларда халқаро миқёсда трансмиллий жиноят сифатида кенг муҳокама қилинаётган мавзулардан биридир.
Шунинг учун ҳам коррупсия келтирадиган зарар барча давлатлар учун тенг саналиб, мазкур иллат давлатнинг турли соҳаларига, хусусан сиёсий, иқтисодий, ижтимоий, маданий жабҳаларида амалга оширилаётган ислоҳотларга ҳамда мамлакатнинг халқаро майдондаги имижи ва инвестициявий жозибадорлигига салбий таʼсир кўрсатади.
Жорий йилнинг 5-март куни Президентимиз Шавкат Мирзиёев раислигида Коррупсияга қарши курашиш бўйича миллий кенгашнинг навбатдаги кенгайтирилган йиғилиши ўтказилди. Унда Юртбошимиз томонидан барча даражадаги давлат ташкилотларида коррупсияга қарши курашиш тизими муҳокама қилиниб, галдаги вазифалар белгилаб берилди.
Ушбу йиғилишдан кейин “Микрокредитбанк” АТБда ҳам белгилаб берилган вазифалар ижросини таʼминлаш мақсадида, коррупсияга оид ҳуқуқбузарликларга қарши курашиш ҳамда банк жамоасида коррупсияга нисбатан муросасиз муносабатни шакллантириш бўйича чора-тадбирлар белгилаб олинди.
Масалан, коррупсияга қарши курашиш тизими бўйича ходимларнинг кўникмаларини шакллантириш доирасида барча вилоят ҳудудий бошқармаларида ҳуқуқни муҳофаза қилувчи органлар билан ҳамкорликда “Манфаатлар тўқнашувини бошқариш” ва “Коррупсия – тараққиёт кушандаси” мавзуларида ўқув семинарлари ўтказилди.
Мазкур семинарларда банкнинг барча хизмат кўрсатиш марказлари ва маҳаллаларга бириктирилган "Маҳалла банкирлари" фаол қатнашиб, ҳалоллик, шаффофлик, жамоатчилик назорати ҳамда масʼулият каби тамойиллар асосида коррупсиянинг олдини олиш бўйича атрофлича маʼлумот ва амалий тавсияларга эга бўлмоқда.
Шунингдек, ходимларда манфаатлар тўқнашувининг олдини олиш бўйича билим ва кўникмаларини шакиллантириш учун банкнинг онлайн MKB TRAINING ACADEMY ўқув платформасида “Korrupsioner kim?” ва “Манфаатлар тўқнашуви” тўғрисидаги ўқув курси жойлаштирилди.
Таʻкидлаш керакки, юртимизда сўнгги йилларда бу иллатга қарши курашиш бўйича қатор қонунлар қабул қилиниб, янги тизим яратилди. Энг муҳими, жамиятда коррупсия муаммосини жамоатчилик муҳокамасига олиб чиқадиган очиқ тизим, очиқ муҳит пайдо бўлди. Чунки коррупсиянинг олдини олиш – давлат хизматига профессионал ва фидойи кадрларни танлаш ҳамда уларни “ҳалоллик ваксинаси” билан эмлашдан бошланади.
Давлатимиз раҳбари нутқида жамоатчиликка мурожаат қилиб, коррупсияга қарши курашиш умуммиллий вазифа, ҳар бир ватанпарвар юртдошимизнинг виждон иши эканини таʼкидлади.
– Ҳаммамиз ягона куч бўлиб ҳаракат қилсак, албатта, катта ижобий самарага эришамиз. Шу боис маҳалла фаоллари, нуронийлар, зиёлилар, ёзувчи ва шоирлар, санʼат ва маданият ходимлари, тадбиркорлар, таниқли шахслар, раҳбарлар, депутат ва сенаторлар – умуман бутун жамоатчилик бирлашиб, коррупсияга “жамият танасидаги саратон” сифатида қараши керак, – деди Шавкат Мирзиёев.
Бунинг учун коррупсиянинг олдини олишда таʼлим ва тарғиботни кучайтириш, ёшларимизни ҳалоллик ва адолат руҳида тарбиялаш, оммавий ахборот воситалари ва жамоатчиликнинг коррупсияга қарши курашдаги роли ҳамда аҳамиятини ошириш муҳим ҳисобланади.
Зеро, давлатимиз раҳбари таʼкидлаганидек, “Ислоҳотлар йўлидаги энг катта тўсиқ ва ғов – бу коррупсиядир”.
Коррупсияга қарши курашда барчамиз бирлашсак, янги Ўзбекистонда коррупсиясиз жамият пайдо бўлади. Бу йўлда МКБАНК очиқлик ва ҳалолликни таʻминлаш, жамият ишончи ва давлат сиёсатини мустаҳкамлашда доим фаол иштирок этади.
О.Бутаев,
“Микрокредитбанк” АТБ Бошқарув раиси
Яна кўринг
МКБАНКда маънавий-маърифий учрашув ўтказилди
Мутахассис ва олимлар томонидан мавзуга оид маърузалар қилиниб, Президентимиз нутқида илгари сурилган муҳим ғоя ва ташаббусларнинг мазмун-моҳияти атрофлича ёритиб берилди.
Байрам кунлари ҳам ишлаймиз!
