Кредит маҳсулотлари ярмаркаси - тадбиркорлар ва стартапчилар учун янги имкониятлар

Тошкент шаҳрининг Чилонзор туманида тижорат банкларининг кредит маҳсулотлари ярмаркаси бўлиб ўтди. Ушбу тадбирда турли банклар қаторида Микрокредитбанк ҳам ўз маҳсулот ва хизматларини тақдим этди. Ярмаркада 55 та маҳалладан келган фуқаролар иштирок этиб, тижорат банкларининг имтиёзли кредитлари, бизнесни қўллаб-қувватлаш дастурлари ва молиявий хизматлари ҳақида батафсил маʼлумот олиш имконига эга бўлди.

Тадбир давомида Микрокредитбанк масʼуллари жами 47 нафар мурожаатни қабул қилди, шулардан 32 нафари имтиёзли шартларда кредит олиш истагини билдирди. Ҳозирда уларнинг аризалари кўриб чиқилиб, кредит ажратилиши бўйича зарур чоралар амалга оширилмоқда.

Та’кидлаш керакки, уармарка тадбиркорлар, стартапчилар ва бизнес бошлашни мақсад қилган фуқаролар учун молиявий ресурсларга эга бўлиш йўлида муҳим платформа вазифасини бажарди. Тадбир доирасида банк вакиллари билан тўғридан-тўғри мулоқотлар ташкил этилиб, кредит олиш шартлари, зарур ҳужжатлар ва бизнесни ривожлантириш бўйича фойдали маслаҳатлар берилди.

Келгусида тадбиркорлик ва молиявий саводхонликни оширишга қаратилган бундай ярмаркалар мунтазам равишда ташкил этилиши режалаштирилган.

Банк Ахборот хизмати