Куни кеча “Eltuz” сайтида “Учкўприкда мақсадсиз сарфланаётган “мақсадли” кредитлар” сарлавҳали мақола эълон қилинди.
Унга кўра, туманда Микрокредитбанк томонидан 3 ойдан бери бирор марта кредит ажратилмагани, бу ҳолат “Кичик кенагас” ҳамда “Машат” қишлоқларида авж олгани айтилган.
Мазкур ҳолат ўрганилганда, мақолада кетирилган “Кичик Кенагас” МФЙ ҳоким ёрдамчиси томонидан расмийлаштирилган далолатномага асосан жорий йилнинг январь-октабрь ойлари учун 957 млн.сўм имтиёзли кредит маблағи ажратилиши белгиланган бўлиб, амалда 833 млн.сўм ёки режа кўрсаткичига нисбатан 87 фоиз имтиёзли кредит маблағлари ажратилган.
Шунингдек, “Машат” МФЙга имтиёзли кредит ажратиш бўйича Микрокредитбанк бириктирилмагани аниқланди.
Шуни алоҳида таъкидлаш керакки, Микрокредитбанк томонидан Ўзбекистон Республикаси Вазирлар Маҳкамасининг 2022 йил 8 июлдаги 373-сонли қарори билан тасдиқланган “Оилавий тадбиркорликни ривожлантириш дастурларининг ягона электрон платформаси орқали кредитлар ажратиш тартиби тўғрисида”ги Низом талаблари бўйича имтиёзли кредит маблағлари ажратиб келинмоқда.
Мазкур низомнинг 40-бандига асосан, ҳоким ёрдамчиси томонидан жорий йилнинг 1 ноябрь ҳолатига расмийлаштирилган муддати ўтган (уч банк иш кунидан ўтган) далолатнома мавжуд эмас.
Хусусан, Микрокредитбанк Учкўприк филиали томонидан жорий йилнинг сўнгги 3 ойи давомида жами 3103 млн.сўм имтиёзли кредит маблағлари ажратилган. Шундан, август ойида 961 млн.сўм, сентабрь ойида 1773 млн.сўм, октабрь ойида 370 млн.сўм имтиёзли кредит маблағлари ажратилди. Бунинг ҳисобидан 300 нафарга яқин аҳолининг бандлиги таъминланди.
Банк Aхборот хизмати
Яна кўринг
Дам олиш кунлари ҳам МКБАНК ишлайди!
“Китоб ўқиш соати”да “Икки эшик ораси” асари ўқилди
Челленж учун ўзбек адабиётининг дурдона асарларидан бири Ўткир Ҳошимовнинг “Икки эшик ораси” асари танланди.
