Сўнгги йилларда мамлакатни ижтимоий-иқтисодий ривожлантириш, фаол тадбиркорлик, инновацион ғоялар ва бунёдкорлик салоҳиятини қўллаб-қувватлаш орқали аҳолига муносиб ҳаёт шароитларини яратиш, ишбилармонлик муҳитини яхшилаш, бандликни таъминлаш бўйича кенг кўламли ишлар амалга оширилмоқда.
«Микрокредитбанк» АТБ томонидан ҳам жойларда аҳолини тадбиркорликка жалб қилиш ва бу орқали янги иш ўринларини яратиш, бандликни таъминлаш мақсадида «Ҳар бир оила — тадбиркор» дастури доирасида ўз меҳнати билан даромад топиш истагида бўлган фуқаролар доимий қўллаб-қувватланмоқда.
Бухоро вилояти Пешку туманидаги «НОДИРАБEГИМ ШАХЗОДБEК ШОХИЖАҲОН» оилавий корхонасига кўчатчилик фаолиятини ташкил этиш учун «Микрокредитбанк» АТБ томонидан 300 миллион сўмлик имтиёзли кредит ажратиб берилди. Корхона раҳбари Баҳодир Бадалов банкдан олинган ушбу кредит ҳисобига ўз томорқасидаги 50 сотихли ер майдонида кўчатчилик фаолиятини йўлга қўйди. Ҳозирда мазкур иссиқхонада 170 минг тупдан ортиқ кўчат парваришланмоқда.
Эътиборлиси, ушбу лойиҳа тумандаги бошқа хонадон эгаларида ҳам катта қизиқиш уйғотди, маҳалла банкирининг тавсияси билан «Бир контур — бир маҳсулот» тамойили асосида 10 гектарлик майдонда кооперация ташкил қилиниб, ушбу кооперацияга 50 нафар хонадон бириктирилди ва уларнинг ҳар бирига 20 сотихдан ер ижара асосида берилди. Бу билан банк аҳолини шундай ташлаб қўймади ва иссиқхона фаолиятини самаралари ташкил этиш учун ижара ер эгаларига Микрокредитбанк томонидан 900 млн. сўм миқдордаги кредит маблағлари ажратилди.
Биринчи экин мавсумида иссиқхоналарда помидор етиштирилди. Натижада ҳар бир хонадон 75 миллион сўм даромад қилиб, соф фойда 55 миллион сўмни ташкил этди. Ҳозирда иккинчи ҳосил — бодринг экиш ишлари бошланган. Бу мавсумда эса ҳар бир ижара ер эгаси 50 миллион сўмга яқин даромад, 30 миллион сўмдан ортиқ соф фойда олиши кутиляпти. Йил якунига қадар ҳар бир хонадон учун умумий соф фойда 90 миллион сўмга етиши режалаштирилган.
Микрокредитбанк аҳолининг ташаббусларини молиявий қўллаб-қувватлаш, уларни тадбиркорлик фаолиятига жалб қилиш, энг муҳими, барқарор даромад манбаларини яратишда давом этади.
Банк Ахборот хизмати
Яна кўринг
Андижонда маҳалла агентлари учун навбатдаги ўқув семинари ташкил этилди
МКБАНК билан PayPorterdan тезкор пул ўтказмалари!
