Жорий йилнинг 14-март куни “Оила ва хотин-қизларни қўллаб-қувватлаш тизимини янада такомиллаштириш чора-тадбирлари тўғрисида”ги ПҚ-103-сонли Президент қарори қабул қилинди. Қарорда, 2025-йилда хотин-қизларни қўллаб-қувватлашнинг асосий мақсадли кўрсаткичлари ва Тадбиркор аёллар кенгаши ташкил этилиши белгилаб берилди. Бундан мақсад, юртимиздаги етакчи ишбилармон аёллардан иборат Тадбиркор аёллар кенгашини ташкил этиш ҳамда тадбиркорлик соҳасида аёлларни қўллаб-қувватлашдан иборат.
Қувонарлиси, тадбиркор аёллар кенгаши аʼзолигига иккита банкнинг бошқарув раиси ўринбосарлари сайланган бўлиб, улардан бири Микрокредитбанк Бошқарув раиси ўринбосари Шаҳло Ибрагимова бўлади.
Шаҳло Алимбаевнани ушбу мас’улиятли вазифа билан табриклаймиз!
Микрокредитбанк хотин-қизларнинг тадбиркорлик соҳасидаги лойиҳаларни қоʼллаб-қувватлашда етакчи банклардан бирига айланиб бормоқда. Нафақат тадбиркор аёллар фаолиятини кенгайтиришга, балки янги бизнес ледиларнинг пайдо боʼлишига ҳамда уларнинг даромадларини кенгайтириш орқали, оилалар фаровонлигини таʼминлашга хизмат қилмоқда.
Маʻлумот учун, Савдо-саноат палатаси ҳузурида ташкил этилган ушбу кенгаш таркибига жами 27 нафар хотин-қизлар киритилди.
Кенгашнинг асосий вазифаси ишбилармон хотин-қизларнинг муаммо ва қийинчиликларини, жумладан, жойларга чиққан ҳолда таҳлил қилиш ва уларга ечимлар ишлаб чиқишга қаратилган.
Банк Ахборот хизмати
Яна кўринг
Тарихий қадам: MIGA кафолати остида халқаро инвестицияларни жалб қилинди
