"Микрокредитбанк" ходимларининг бадиий ва илмий адабиётларга бўлган қизиқишини ошириш, уларга кенг имконият яратиш мақсадида банк кутубхонаси янги китоблар билан бойитилмоқда.
Бугунги кунда кутубхонамизда 5 мингга яқин турли адабиётлар жамланган. Жаҳон ва ўзбек адабиёти дурдоналари, илмий нашрлар, шунингдек, қизиқарли асарлар ходимларнинг ишдан бўш вақтларини самарали ўтказиш ва маънавий камолотини юксалтиришга хизмат қилмоқда.
Бугун кутубхонага яна янги китоблар тўплами кельтирилди ва ходимлар учун мазкур китобларнинг тақдимоти бўлиб ўтди. "Микрокредитбанк" ва "Ижод НАШР" нашриёти ҳамкорлигидаги "Чиғаноқ" лойиҳаси доирасида нашр этилган Мансур Жумаевнинг "Ҳазрати ишқ" ва Фахриддин Ҳайитнинг "Осмон яқин" китоблари банк кутубхонасига топширилди. Банкимиз ҳомийлигида нашрдан чиқарилган ушбу китоблар кутубхона жавонидан ўрин эгаллади.
Тақдимот маросимида банк Бошқарув раиси ўринбосарлари - Икром Джуманиязов ва Шаҳло Ибрагимова иштирок этиб, янги нашрлар ҳақида ўз фикр-мулоҳазалари билан ўртоқлашдилар. Лойиҳа доирасида бугунги ўзбек шеърияти ва насрининг кўзга кўринган навқирон вакилларининг дастлаб 5 нафар муаллифининг (талабга қараб, давом эттирилади) китоблари банк молиявий кўмагида чоп этилиши режалаштирилган. Муаллифлар Ўзбекистон Ёзувчилар уюшмасида таъсис этилган нуфузли таҳрир ҳайъати ҳамда банк раҳбарияти томонидан танланган.
Биз жамоамиз билан халқимизга молиявий хизматлар таклиф этиш билан бир қаторда, миллий адабиётимизнинг дурдона намуналарини ватандошларимизга етказиш, китобхонликни кенг тарғиб этиш ва ёш ижодкорларни қўллаб-қувватлашда давом этамиз.
Банк Ахборот хизмати
Яна кўринг
Банк раҳбарияти Бухоро вилоятида аҳоли ҳамда тадбиркорлар билан учрашув ўтказди
Микрокредитбанк раҳбарияти иштирокидаги бу каби тадбирлар бошқа ҳудудларда ҳам давом эттмоқда
Бизнесингизни “Келажакка Қадам” билан ривожлантиринг!
