2025 йил 14 ноябрда Иқтисодиёт ва молия вазири Ж.Қўчқоров ва Бош прокурор Н.Йўлдошев бошчилигида ўтказилган “Муаммоли кредит қарздорликларни қисқартиришга доир идоралараро йиғилиш” баёни ижроси юзасидан жорий йилнинг 1 декабрь куни “Микрокредитбанк” АТБ Қашқадарё вилоят ҳудудий бошқармасида банк ходимлари учун коррупция ва ҳуқуқбузарликларни юзага келишининг олдини олиш мақсадида ходимларни ўз хизмат вазифаларини бажаришда холис ва адолатли бўлишларини таъминлаш учун ҳуқуқий тарғибот-ташвиқот тадбири ўтказилди.
Тадбирда вилоят Прокуратураси масъул ходими Б. Пўлатов, Ундирув хизмати раҳбари Б. Розиқов, банкнинг Қашқадарё вилоят ҳудудий бошқармаси раҳбар ходимлари, БХО-БХМ бошлиқлари, уларнинг ўринбосарлари ҳамда барча ундирув хизмати масъул ходимлари “ЗООМ” орқали иштирок этди.
Ўтказилган тадбирда кредит ажратиш ва муддати келган кредитларни ўз вақтида ундириш устидан қатъий назорат ўрнатиш, ходимларнинг фаолияти бўйича кундалик таъсирчан назоратни кучайтириш орқали уларнинг масъулиятини ошириб бориш, хизмат вазифаларини бажаришда холис ҳамда адолатли бўлиш лозимлиги таъкидлаб ўтилди.
Шунингдек, коррупцияга оид ҳуқуқбузарликларга жазо муқаррарлиги ҳақида тўхталиб, республика банк тизимида коррупцияга оид учраётган салбий ҳолатлар борасида ҳам мисоллар келтирилди.
Банк Бошқаруви томонидан бу каби тадбирлар республиканинг барча ҳудудларида ўтказилмоқда.
Банк Ахборот хизмати
Яна кўринг
Тарихий лаҳзани ифодаловчи эсдалик тангалари МКБАНКда сотувда
Кредитдан натижагача: Бухоролик тадбиркорларнинг муваффақият йўли
