Жорий йилнинг 21-апрел санасида “Ғазна” телеграм каналида “Микрокредитбанк ва ғалати тендер” номли хабар жойланди. Унда Микрокредитбанк 18-апрел куни 390 та ҲУМО банкоматларига техник ва дастурий хизматлар кўрсатиш бўйича 3,7 млрд сўмлик тендер ўтказгани ҳамда унда қонун талаблари бузилгани ҳақида фикр билдирилган.
Мазкур ҳолат банк мутахассислари томонидан ўрганилди ва қуйидагилар аниқланди.
“Микрокредитбанк” АТБ томонидан 2025-йил 18-апрел санасида 423340-сонли лот билан банкнинг ҲУМО банкоматларига техник ва дастурий хизмат кўрсатиш бўйича Энг яхши таклифларни танлаш механизми асосида очиқ савдолар э’лон қилинган.
Мазкур танлов жараёни Ўзбекистон Республикасининг 2021-йил 22-апрелдаги “Давлат харидлари тўғрисида”ги 684-сонли Қонуни ҳамда Вазирлар Маҳкамасининг 2022-йил 20-апрелдаги 276-сонли қарори билан тасдиқланган “Давлат харидларини ташкил этиш ва ўтказиш тартиби тўғрисида”ги низом талабларига тўлиқ риоя қилинган ҳолда ташкил этилган.
Тендер ҳужжатларида, хусусан техник топшириқда лойиҳа доирасидаги банкоматларга хизмат кўрсатувчи ташкилотда тегишли процессинг маркази – ҲУМО билан ишлаш учун зарур бўлган лицензия ва рухсатномаларнинг мавжудлиги талаби илгари сурилган. Шунингдек, иштирокчиларда ҲУМО процессинг тизими билан тўғридан-тўғри ишлаш имконини берувчи лицензиялар ва рухсатномалар мавжуд бўлиши танлов шартларининг ажралмас қисми сифатида қўйилган.
“Микрокредитбанк” АТБ барча давлат харидларини фақат қонуний асосда, очиқлик ва шаффофлик тамойиллари асосида ўтказади. Ҳар қандай савдо жараёни адолатли рақобат шароитида, иштирокчиларнинг техник ва нарх таклифлари билан баҳоланади.
Банк фаолиятига оид нотўғри талқин ва бир ёқлама фикрларнинг олдини олиш мақсадида, барча манфаатдор шахслардан расмий ахборотларга таянишни сўраймиз.
Банк Ахборот хизмати
Яна кўринг
МКБАНКда маънавий-маърифий учрашув ўтказилди
Мутахассис ва олимлар томонидан мавзуга оид маърузалар қилиниб, Президентимиз нутқида илгари сурилган муҳим ғоя ва ташаббусларнинг мазмун-моҳияти атрофлича ёритиб берилди.
Байрам кунлари ҳам ишлаймиз!
