Бугун Ўзбекистон ва Қозоғистон ўртасидаги савдо ҳажмини ошириш ва минтақада келажакдаги инвестиция лойиҳаларини қўллаб-қувватлашга катта эътибор берилмоқда. Бу борада “Микрокредитбанк” AТБ томонидан ҳам халқаро ҳамкорлик келишувлари имзоланмоқда. Навбатдаги ҳамкорлик ҳам Ўзбекистон ва Қозоғистон ўртасидаги иқтисодий алоқаларни мустаҳкамлаш йўлида муҳим қадам бўлиб, келишув суммаси 10 миллион AҚШ долларини ташкил этади.
Келишув шартларига кўра, "Микрокредитбанк" AТБ мижозларига кредитлар тақдим этишда зарур молиявий ресурслар билан қўллаб-қувватлайди.
Имзоланган келишув Ўзбекистонда кичик ва ўрта бизнесни ривожлантириш учун қулай шарт-шароитлар яратади, мамлакатнинг экспорт салоҳиятини оширишга ёрдам беради. Молиялаштириш олган тадбиркорлар ўз савдо бозорларини кенгайтириш, маҳсулот ва хизматлар сифатини яхшилаш ҳамда халқаро бозорда рақобатбардошлигини ошириш имкониятига эга бўлади.
Таъкидлаш керакки, "Микрокредитбанк" AТБ ва "Қозоғистон Экспорт-кредит агентлиги" AЖ ўртасидаги келишув иқтисодий ҳамкорликни мустаҳкамлаш ва ҳар иккала мамлакатдаги бизнесни қўллаб-қувватлаш учун бир қадамдир. Ҳамкорлик натижасида савдо ҳажмларининг сезиларли ошишига ва Ўзбекистон ҳамда Қозоғистондаги тадбиркорлар учун янги имкониятлар эшигини очади.
Банк Aхборот хизмати
Яна кўринг
Тарихий лаҳзани ифодаловчи эсдалик тангалари МКБАНКда сотувда
Кредитдан натижагача: Бухоролик тадбиркорларнинг муваффақият йўли
