Микрокредитбанк жойларда тадбиркорлар билан очиқ мулоқотларни давом эттирмоқда

Бугун, 22-май куни “Микрокредитбанк” АТБ Бошқарув раҳбарияти иштирокида Андижон, Наманган, Хоразм, Самарқанд, Сурхондарё вилоятлари ҳамда Тошкент шаҳрида фаолият юритаётган тадбиркорлар билан очиқ мулоқотлар ўтказилди.

Мазкур учрашувлар доирасида жойлардаги кичик бизнес вакиллари ўз лойиҳалари, эҳтиёжлари ва таклифлари билан иштирок этди. Банк раҳбарияти тадбиркорларнинг ташаббусларини тинглаб, уларни амалий қўллаб-қувватлаш, молиялаштириш механизмлари билан яқиндан таништирди.

Шунингдек, банк томонидан тақдим этилаётган имтиёзли кредит маҳсулотлари, хизмат кўрсатиш имкониятлари, "Оилавий тадбиркорлик", "Камбағалликдан фаровонлик сари", “Аёллар дафтари”, “Ёшлар дафтари” доирасидаги дастурлар ҳақида батафсил тушунтиришлар берилди.

Банк Ахборот хизмати