Бугун юртимизда аёллар жамиятнинг барча жабҳаларида фаол иштирок этмоқда. Туризм, хизматлар кўрсатиш, саноат маҳсулотлари ишлаб чиқаиш, қишлоқ хўжалиги каби катор соҳаларда хотин-қизлар тадбиркорлиги янги босқичга кўтарилди.
Бунда давлатимиз томонидан яратилаётган шароитлар, бизнес юритишдаги қулайликлар, имтиёзли кредитлар ва ҳар бир ҳудуд имкониятларидан келиб чиқиб таклиф этилаётган лойиҳалар муҳим ўрин тутади.
Жорий йилнинг 20 август куни янги Тошкентда Президентимизнинг тадбиркорлар билан ўтказган очиқ мулоқотида хизматлар соҳасини жадал ривожлантириш орқали қисқа муддатда ва тез даромад берадиган иш ўринларини яратиш ҳақида тўхталиб ўтилди. Туризмни ривожлантириш бўйича янги дастур бошланди.
Микрокредитбанк ҳам тадбиркорларни қўллаб-қувватлаш, аҳолининг туризм ва хизмат кўрсатиш соҳасидаги лойиҳаларини амалга ошириш учун қулай шарт-шароитлар яратиб келмоқда. Самарқанддаги “New City” оилавий корхонасига қарашли “Ренессанс” меҳмонхонаси бунга бир мисол.
- Бино бошида таъмирланмаган ҳолатда эди, уни замонавий ҳолатга келтирдик. Айни дамда 10-20 нафар аёлни ишли қилган меҳмонхонамиз сайёҳлар ва маҳаллий аҳолининг меҳрини қозонган масканга айланди, дейди тадбиркор Умида Бахриддинова.
Президентимизнинг 2022 йил 19 апрелдаги “Ҳудудларда тадбиркорлик лойиҳаларини молиялаштириш механизмларини янада кенгайтириш чора-тадбирлари тўғрисида”ги қарори асосида мазкур оилавий корхонага “Микрокредитбанк” АТБ томонидан 5 миллиард сўм миқдорида имтиёзли кредит ажратилган. Бугунги кунда “Ренессанс” меҳмонхонаси маҳаллий ва хорижий сайёҳларга юқори даражадаги хизматларни тақдим этмоқда.
Кечагина ишни нимадан бошлашни билмай турган опа-сингилларимиз бугун ўз бизнесига эга, муваффақиятли тадбиркорга айланмоқда. Бугун “Ренессанс” каби йирик меҳмонхоналарни аёллар бошқармоқда. Бу эса ўзбек тадбиркор аёлининг қанчалик кучли, ақлли ва муваффақиятли эканини яққол намоён этмоқда.
Шу ўринда рақамларга эътиборингизни қаратмоқчимиз. “Микрокредитбанк” АТБ томонидан ўтган йиллар давомида “Ҳудудларда тадбиркорлик лойиҳаларини молиялаштириш механизмларини янада кенгайтириш чора-тадбирлари тўғрисида” ги қарорига асосан, 343 нафар тадбиркорга 338,3 млрд. сўм кредит ажратилган бўлиб, бунинг ҳисобидан 2 847 та иш ўрни яратилган.
2025 йилнинг ўтган даврида банк томонидан туризм ҳамда хизматлар соҳасига салкам 2 триллон сўм миқдоридаги кредитлар ажратилган. Ушбу маблағларнинг 100 млрд. сўмдан ошиқ қисми Самарқанд вилоятидаги 1 379 та корхона ҳиссасига тўғри келади.
Президентимиз таъкидлаганидек: “Янги Ўзбекистон тараққиётини, истиқболини таъминлайдиган куч – бу тадбиркорлар. Давлатимизни бой қиладиган куч – бу тадбиркорлар. Халқимиз, оилалар ҳаётини фаровон қиладиган куч – бу тадбиркорлар".
Микрокредитбанк эса тадбиркорларнинг ишончли ҳамкори сифатида уларни молиявий қўллаб-қувватлашда давом этади.
Банк Ахборот хизмати
Яна кўринг
МКБАНКда маънавий-маърифий учрашув ўтказилди
Мутахассис ва олимлар томонидан мавзуга оид маърузалар қилиниб, Президентимиз нутқида илгари сурилган муҳим ғоя ва ташаббусларнинг мазмун-моҳияти атрофлича ёритиб берилди.
Байрам кунлари ҳам ишлаймиз!
