Янгиланган платформа замонавий дизайн, тезкор ишлаш имконияти ва фойдаланувчилар учун янада қулай функциялар билан таъминотланди. Сайтни янгилаш жараёнида банк мижозлар эҳтиёжини биринчи ўринга қўйди. Шу асосда, Ўзбекистонда илк марта қорақалпоқ тилидаги банк веб-сайти яратилди.
Сайтнинг асосий устунликлари сифатида барча турдаги мижозлар учун алоҳида мақсадли саҳифалар, маҳсулотларни таққослаш имконияти, катта экранлар учун тўлиқ адаптив кўриниш, енгиллаштирилган мобил версия ва ҳар бир мижоз сегменти учун алоҳида ахборот блоклари жойлаштирилди. Дизайн йўналишида эса 200 дан ортиқ эксклюзив иллюстрациялар қўлланилди.
Сайтнинг муҳим хусусиятларидан бири — ноёб “композит сайт” технологияси бўлиб, у Bitrix Framework платформасида саҳифаларнинг юкланиш тезлигини сезиларли ошириш имконини берди. Натижада фойдаланувчи исталган саҳифадаги контентни деярли дарҳол олади, бу эса маълумот қидиришни максимал даражада тезлаштиради.
Мобил версиясидан фойдаланиш ҳам қулай: бўлимлар бўйича навигация соддалаштирилган, саҳифалар юкланиши тезлаштирилган ва меню элементлари оптималлаштирилган. HTML5’нинг янги имкониятлари ҳар қандай экран ўлчами учун мослаштирилган дизайн яратишга ёрдам беради, кодлар ва скриптлар эса минималлаштирилган бўлиб, маълумот узатиш юкламасини сезиларли камайтиради. Бу мобил қурилмаларда сайтдан фойдаланишни анча қулайлаштиради.
Банк Ахборот хизмати
Яна кўринг
МКБАНКда маънавий-маърифий учрашув ўтказилди
Мутахассис ва олимлар томонидан мавзуга оид маърузалар қилиниб, Президентимиз нутқида илгари сурилган муҳим ғоя ва ташаббусларнинг мазмун-моҳияти атрофлича ёритиб берилди.
Байрам кунлари ҳам ишлаймиз!
