Пойтахтимиздаги Рамада меҳмонхонасида 5-6 март кунлари «Ўзбекистонда паррандачиликнинг замонавий муаммолари II» номли халқаро семинар бўлиб ўтди.
Унда юртимиздаги паррандачилик билан шуғулланувчи тадбиркорларга хорижлик экспертлар томонидан фойдали маълумотлар, паррандачиликдаги муаммоларга ечимлар бўйича маърузалар қилинди. Шунингдек, семинар қатнашчилари паррандачиликдаги замонавий касалликларга қарши курашиш, унинг олдини олиш бўйича билим ва кўникмаларга эга бўлишди.
2 кунлик семинарда дунё паррандачилигида етакчи мутахассислар дея эътироф этилган Нурзҳан Берденов «Паррандачиликдаги глобал тенденциялар», Моҳамед Али «Эмлаш технологиялари ва хизматлари», Ҳосамелдин Абделҳафез «Паст патогенли парранда гриппи H9H2» ҳақидаги жуда қимматли маълумотларини тақдим этишди.
Бугун мамлакатимизда паррандачилик бўйича амалга оширилаётган ишлар салмоғи кенгайиб, соҳа ривожи учун кенг имкониятлар яратилмоқда.
Хусусан, бу борада Микрокредитбанк паррандачиликни ривожлантириш учун салмоқли ҳисса қўшмоқда. Айниқса, паррандачиликни ташкил қилишдан ташқари, соҳа билан шуғулланаётган тадбиркорлар учун имтиёзли кредитлар, паррандалар учун зарур дори воситаларига фойдали кредитлар ажратилмоқда.
Сўнгги уч йилда Микрокредитбанк томонидан 263 та паррандачилик лойиҳаларига жами 750 млрд.сўм миқдорида кредит маблағлари ажратилган. Натижада, паррандачилик хўжаликларида йилига 694 млн.дона тухум, 48,8 минг тонна парранда гўшти ва 272 минг тонна паррандалар учун озуқа ишлаб чиқариш қувватлари яратилиб, уларнинг парранда боқиш қувватлари 38 фоиздан 82 фоизга етказилган.
Банк Ахборот хизмати
Яна кўринг
МКБАНКда маънавий-маърифий учрашув ўтказилди
Мутахассис ва олимлар томонидан мавзуга оид маърузалар қилиниб, Президентимиз нутқида илгари сурилган муҳим ғоя ва ташаббусларнинг мазмун-моҳияти атрофлича ёритиб берилди.
Байрам кунлари ҳам ишлаймиз!
