Бугун Бошқарув раиси Ориф Бутаев иштирокида банкнинг молиявий кўмагида Хоразм вилояти Хива шаҳрида янгидан қурилаётган Ҳунармандлар маркази лойиҳаси доирасида маҳаллий ҳунармандлар билан очиқ мулоқот ўтказилди. Унда иштирокчиларга мазкур лойиҳа доирасида амалга оширилаётган ишлар, соҳани ривожлантириш, мавжуд имкониятлардан самарали фойдаланиш ҳамда молиявий кўмак масалалари юзасидан ма’лумотлар берилди.
Ма’лумки, Ўзбекистон Республикаси Президентининг 2024-йил 27-ноябрдаги “Хоразм вилоятини комплекс ижтимоий-иқтисодий ривожлантиришни жадаллаштириш бўйича қўшимча чора-тадбирлар тўғрисида”ги қарорига асосан Микрокредитбанк томонидан Хива шаҳридаги “Тўрт шоввоз” маданий мерос обектига туташ ҳудуддан танланган 6,2 гектар ер участкасида Ҳунармандлар марказини барпо этиш белгиланган.
Мазкур марказда ҳунарманд ва заргарлар ўз маҳсулотларини устахоналарида тайёрлаши ҳамда ушбу жараёнларни маҳаллий ва хорижий сайёҳларга намойиш қилиши, шунингдек, маҳсулотлар сотувини йўлга қўйиши учун қулай имконият яратилади.
Эътиборлиси, ушбу лойиҳа доирасида Хива шаҳрида 1000 дан ортиқ янги иш ўрни яратилиши ва ҳунармандлар томонидан ҳар йили 1000нафардан шогирд тайёрлаш режалаштирилди.
Тадбир якунида Ҳунармандлар маркази лойиҳаси доирасида иштирокчилар томонидан билдирилган таклифлар юзасидан аниқ чора-тадбирлар белгилаб олинди.
Банк Ахборот хизмати
Яна кўринг
Банк раҳбарияти Бухоро вилоятида аҳоли ҳамда тадбиркорлар билан учрашув ўтказди
Микрокредитбанк раҳбарияти иштирокидаги бу каби тадбирлар бошқа ҳудудларда ҳам давом эттмоқда
Бизнесингизни “Келажакка Қадам” билан ривожлантиринг!
