“Микрокредитбанк” акциядорлик-тижорат банки ўз мижозларига қулай шартларда молиявий кўмак кўрсатиш мақсадида халқаро молия институтлари билан ҳамкорликни кенгайтирмоқда. Шу доирада банк томонидан хориждан 30 миллион АҚШ доллари миқдорида маблағ жалб қилинди.
Мазкур маблағлар давлат дастурлари, кичик ва ўрта бизнес субъектлари ҳамда тадбиркорлик лойиҳаларини молиялаштириш учун йўналтирилади. Бу эса юртимиздаги бизнес субъектларини қўллаб-қувватлаш, янги иш ўринларини яратиш ва иқтисодий ўсишга ҳисса қўшиш имконини беради.
Банк томонидан жалб этилган ушбу маблағлар, айниқса, ишбилармонлик фаолиятини кенгайтириш, ишлаб чиқариш ҳажмини ошириш ҳамда экспорт салоҳиятини ривожлантириш истагида бўлган тадбиркорлар учун муҳим молиявий ресурс бўлиб хизмат қилади.
Шунингдек, ушбу маблағ ҳисобидан аёллар ва ёшлар тадбиркорлигини ривожлантириш, инновацион лойиҳаларни қўллаб-қувватлаш ҳамда ҳудудларда ижтимоий-иқтисодий барқарорликни таъминлаш бўйича қатор чора-тадбирлар амалга оширилиши режалаштирилган.
“Микрокредитбанк” бундан кейин ҳам маҳаллий тадбиркорларнинг ишончли молиявий ҳамкори сифатида уларнинг ривожланишига кўмаклашишда давом этади.
Банк Ахборот хизмати
Яна кўринг
МКБАНКда маънавий-маърифий учрашув ўтказилди
Мутахассис ва олимлар томонидан мавзуга оид маърузалар қилиниб, Президентимиз нутқида илгари сурилган муҳим ғоя ва ташаббусларнинг мазмун-моҳияти атрофлича ёритиб берилди.
Байрам кунлари ҳам ишлаймиз!
