Микрокредитбанк ва Пайнет ўзаро ҳамкорликни мустаҳкамлаш мақсадида NDA (Nondisclosure Agreement – Махфийлик келишуви) имзолади. Ушбу келишув доирасида Пайнет иловаси ва инфокиосклар орқали Микрокредитбанкнинг халқаро Visa ва Mastercard карталарига тўғридан-тўғри пул маблағлари киритиш имконияти яратилди.
Ҳамкорлик нималарни таъминлайди?
Халқаро карталарга тўлов осонлашади – мижозлар энди Пайнет иловаси ёки инфокиосклар орқали Микрокредитбанк Visa ва Mastercard карталарига тезкор тўловларни амалга оширишлари мумкин.
Пул ўтказмалари янада қулай бўлади – халқаро карталарга пул киритиш учун энди банк офисларига бориш шарт эмас, ҳаммасини масофадан туриб амалга ошириш мумкин.
Хавфсизлик ва тезкорлик – транзакциялар замонавий хавфсизлик протоколлари асосида амалга оширилади.
Мижозлар учун қандай афзалликлар бор?
Картага пул тушириш янада тез ва осон – 24/7 режимда ҳар қандай жойдан амалга ошириш мумкин.
Пайнет тармоғининг кенг қамрови – бутун Ўзбекистон бўйлаб Пайнет инфокиоск ва иловасидан фойдаланиш имконияти мавжуд.
Банк хизматларидан фойдаланиш имкониятлари кенгаяди – мижозлар энди халқаро карталарга тўловларни исталган вақтда мустақил равишда амалга оширишлари мумкин.
Келажакдаги режалар
Микрокредитбанк ва Пайнет ҳамкорлиги келажакда ҳам ривожлантирилиши режалаштирилган бўлиб, мижозларга янада кўпроқ рақамли банк хизматларини тақдим этиш мақсад қилинган. Банк рақамли молиявий технологияларни кенгайтириш ва мижозлар учун инновацион эчимлар яратиш йўлида ишлашда давом этади.
Микрокредитбанк ва Пайнет ҳамкорлигида инновацион имкониятлардан фойдаланинг!
Банк Ахборот хизмати
