Ушбу янги тизим — “АВТОПАРК” модули банк автопаркига оид барча жараёнларни ягона платформа орқали бошқариш имконини беради.
Модуль ёрдамида ҳар бир автомобиль алоҳида электрон карточка орқали ҳисобга олинади. Унда давлат рақами, марка ва модель, техник паспорти, суғурта муддати ҳамда масъул ҳайдовчи каби барча маълумотлар бир жойда жамланади. Шу билан бирга, ёқилғи, сервис ва таъмирлаш харажатлари автоматик шаклда қайд этилиб, ой якуни бўйича ягона ҳисобот шакллантирилади.
Яна бир муҳим жиҳати — ЙПХ ва радар камераларидан келадиган жарималар автоматик тарзда тизимга юкланади. Мазкур жарима тегишли автомобиль ва ҳайдовчига боғланади ҳамда тўлов ҳолати бўйича мониторинг юритилади. Бунда ҳайдовчилик интизоми ошиши билан бирга, жарималар бўйича аниқ статистика шаклланади.
Модуль ҳайдовчилар фаолиятини ҳам тизимли тарзда акс эттиради. Ҳар бир ҳайдовчи учун маълумотлар базаси яратилиб, жарималар сони, ёқилғи сарфи бўйича самарадорлик ва интизомий кўрсаткичлар юритилади. Йўл варақалари ва масофа ҳисоб-китоблари тўлиқ автоматлаштирилиши эса кундалик жараёнларни анча енгиллаштиради.
“AVTOPARK” модули Электрон ҳукумат API орқали жарималарни автоматик олиш, банкнинг ERP ва HRM тизимлари билан интеграция қилиш имкониятига эга. Зарурат туғилганда электрон имзо орқали тасдиқлаш жараёнлари ҳам йўлга қўйилиши мақсад қилинган.
Якунида, ушбу модулнинг жорий этилиши Микрокредитбанкда хизмат автомобилларини бошқариш жараёнларини соддалаштиради, харажатларни оптималлаштиради, келгуси йил режасига мазкур харажатларни автоматик шакллантириш имкониятини яратади ва барча жараёнларнинг шаффофлигини таъминлайди.
Банк Ахборот хизмати
Яна кўринг
МКБАНКда маънавий-маърифий учрашув ўтказилди
Мутахассис ва олимлар томонидан мавзуга оид маърузалар қилиниб, Президентимиз нутқида илгари сурилган муҳим ғоя ва ташаббусларнинг мазмун-моҳияти атрофлича ёритиб берилди.
Байрам кунлари ҳам ишлаймиз!
