Микрокредитбанкда дам олиш кунлари хизматлар кенгайтирилмоқда
ПФ-246-сон Фармон доирасида “Микрокредитбанк” АТБга жами 51 та хусусий нотариус бириктирилган.Мазкур нотариусларнинг 27 таси шанба, 10 таси эса якшанба кунлари ҳам фаолият юритишини билдирган.
Банк томонидан дам олиш кунлари ишловчи хусусий нотариусларга бириктирилган банк бўлинмаларида мижозларга сифатли хизмат кўрсатиш учун барча зарур шарт-шароитлар тўлиқ таъминланмоқда.
Айни пайтда “Микрокредитбанк” АТБ тизимида жами 806 та банкомат фаолият юритмоқда. Шундан 151 таси “Cash in – Cash out” тизимига эга бўлиб, мижозларга банк карталарига нақд пул маблағларини банкоматлар орқали киритиш имконини беради.
Шунингдек, 2026 йил давомида банк томонидан мижозларга фойдаланиш учун 2 000 дона Uzcard тўлов тизимида ишловчи PAX А930 русумли ҳамда 1 000 дона HUMO тўлов тизимида ишловчи Sunmi P3 русумли савдо терминаллари топширилди.
Янги тартибга мувофиқ, кўчмас мулк ва автотранспорт воситаларининг олди-сотди жараёнлари банклар томонидан очиладиган эскроу ҳисобварақлари орқали амалга оширилади. Ушбу хизматлар бўйича банклар томонидан белгиланган тартибда хизмат ҳақлари ундирилади.
Банк Ахборот хизмати
Яна кўринг
Дам олиш кунлари ҳам МКБАНК ишлайди!
“Китоб ўқиш соати”да “Икки эшик ораси” асари ўқилди
Челленж учун ўзбек адабиётининг дурдона асарларидан бири Ўткир Ҳошимовнинг “Икки эшик ораси” асари танланди.
