Ўзбекистон Республикаси Президентининг 2018 йил 23 мартдаги «Банк хизматлари оммабоплигини ошириш бўйича қўшимча чора-тадбирлар тўғрисида»ги ПҚ-3620-сон қарорига мувофиқ Микрокредитбанкда замонавий хизматлар жорий қилинмоқда.
Мижозларга банк хизматларини кўрсатишда ҳужжатлар айланмасини тезлаштириш, ортиқча оворагарчиликларнинг олдини олиш, кредит таъминоти сифатида гаровга олинишини лозим бўлган мол-мулкларнинг нотариал ҳужжатларини банк биносида расмийлаштиришни ташкил қилиш мақсадида E-notarius (Электрон нотариус) платформасидан фойдаланиши бўйича Ўзбекистон Республикаси Адлия вазирлиги билан келишувга эришилди.
Бунда E-notarius тизими ёрдамида мижознинг идентификациядан ўтиши, масофадан туриб, нотариал идора ходими мижозни кузатув камераси орқали юзи ва овозини ёзиб олиши, электрон шаклда қўл бармоғи изини олиши ва шахсий кабинетга боғланиш каби ишларни банк биносининг ўзида амалга ошириши мумкин. Мазкур қулайликни синов тариқасида дастлаб Тошкент шаҳар бошқармасида, Тошкент ва Жиззах вилоятлари банк хизматлари офис ва марказларида татбиқ қилиш режалаштирилган.
«Микрокредитбанк» АТБ тизимида яқин кунларда мамлакатимиздаги тижорат банклари орасида биринчи бўлиб, чет эл тажрибаси асосида E-notarius платформасидан фойдаланиш тўлиқ жорий қилинади. Албатта, бу мижозларга тезкор ва сифатли банк хизматларини кўрсатишга хизмат қилади.
Банк Ахборот хизмати
Яна кўринг
МКБАНК “ZAAMIN ULTRA” 2026да!
МКБАНКдан — Онлайн Эскроу хизмати!
Эндиликда мижозлар банк бўлимларига ташриф буюрмасдан туриб, масофадан эскроу ҳисобварағини очишлари ва уни бошқаришлари мумкин.
