Мижозга ҳолат тушунтирилди

Жорий йилнинг 29-апрел куни “Антикоррупсия” телеграм каналида Элликқалʼа тумани “Сахтиён” шаҳарчасида яшовчи фуқаро Қ.Нуримбетовнинг мурожаати э’лон қилинган бўлиб, унда банкнинг Элликқалʼа тумани филиалида қайд қилинган унга тегишли банк пластик картасидан номаʼлум шахслар томонидан 1000000 (бир миллион) сўм маблағ ноқонуний равишда ечиб олингани тўғрисида шикоят йўллаган. 

“Микрокредитбанк” АТБ мижози фуқаро Қутлимурод Нуримбетовнинг ижтимоий тармоқ орқали йўллаган мурожаати банк мутахассислари томонидан ўрганиб чиқилди.

Маʼлумки, жисмоний шахслар томонидан банк карталаридан ноқонуний маблағ ечиб олиниши ҳолатлари Ўзбекистон Республикаси қонунчилиги ва амалдаги тартибларга мувофиқ ўрганилиб, ҳар бир ҳолат алоҳида тарзда кўриб чиқилади. 

Ўзбекистон Республикаси Марказий банкининг 2021-йил 3-апрелда 3291-сон билан тасдиқланган “Ўзбекистон Республикаси ҳудудида банк карталарини чиқариш ва муомалада бўлиши қоидалари тўғрисида”ги Низомнинг 14-бандидан келиб чиқиб, қуйидаги ҳолатларда эмитент-банк мижоз олдида жавобгар эмаслиги белгиланган: 

 • агар банк картаси сақловчиси шартномада кўрсатилган қоидалар ва тартибларга риоя қилмаган бўлса; 

 • мижоз томонидан ноқонуний ҳаракатлар содир этилган бўлса; 

 • банк картаси йўқолган ёки ундан рухсациз фойдаланилган ҳолатда эмитент банкка ўз вақтида хабар берилмаган бўлса; 

 • картага боғлиқ маʼлумотлар (ПИН-код, СМС-код ва ҳ.к.) мижоз томонидан учинчи шахсларга ошкор қилинган бўлса. 

Ушбу ҳолатда ҳам “КАППА 7 CРОССПАЙ ОПЛАТА” номи остида амалга оширилган операциянинг келиб чиқиш сабаблари, иштирок этган ташкилотлар ҳамда сизнинг карта маʼлумотларингизни қандай тарзда қўлга киритилгани масалаларига ҳуқуқни муҳофаза қилувчи орган ходимлари томонидан қонуний чора кўрилишини билдирамиз. 

Юқоридаги нормалардан келиб чиқиб, мижозга мазкур ҳолатда яшаб турган ҳудуддаги ички ишлар органларига расмий мурожаат қилиши ва бу бўйича ҳуқуқий ҳаракатларни амалга ошириши мумкинлиги тушунтирилди. 

Банк Ахборот хизмати