24–26 сентябрь кунлари Ўзбекистон миллий кутубхонасида Марказий банк ташаббуси билан "Банк ва Маърифат: Билимли жамият билан қудратли иқтисодиёт сари" Форуми ўз ишини бошлади. Уч кун давомида китоб, билим ва янги ғоялар манзилига айланиши мақсад қилинган форумда МКБАНК ҳам “Чиғаноқ” номли инновацион лойиҳаси билан фаол иштирок этмоқда.
Сўнгги йилларда юртимизда китобхонлик маданиятини ривожлантириш ва бу йўналишдаги ташаббусларни қўллаб-қувватлашга алоҳида эътибор қаратилмоқда. Ана шундай хайрли ишлар доирасида “Микрокредитбанк” АТБ ва “Ижод НАШР” нашриёти ҳамкорлигида “Чиғаноқ” лойиҳаси амалга оширилмоқда.
Банк халқимизга молиявий хизматларни таклиф этиш билан бир қаторда, миллий адабиётимизнинг дурдона намуналарини ҳам қўллаб-қувватлаб, халқмизнинг маънаивий камолоти юксалишида ўз ҳиссасини қўшмоқда.
Лойиҳа доирасида бугунги ўзбек шеърияти ва насрининг навқирон вакиллари ижодиётини китобхонга етказиш мақсадида уларнинг асарлари банк молиявий кўмагида нашр этилмоқда.
Лойиҳанинг илк нашри – Ўзбекистон Ёзувчилар уюшмаси аъзоси, шоир ва ёзувчи Фахриддин Ҳайитнинг “Осмон ерга яқин” китоби бўлди. У ҳақда Ўзбекистон халқ ёзувчиси Исажон Султон: “Бу китоб бир ижодкор кўз ўнгида кечаётган ҳаёт ҳақида”, дея таъкидлаган эди.
“Чиғаноқ”нинг иккинчи нашри ҳам ўз китобхонларини узоқ куттирмади. Мансур Жумаевнинг “Ҳазрати ишқ”, Фозил Фарходнинг Автопортет каби шеърий китоблари кетма-кет нашрдан чиқа бошлади.
Чин шоирнинг дини ишқ, мазҳаби ишқдир, чин шшеърда ишқ куйланади. Шоир Мансур Жумаевнниг “Ҳазрати ишқ”ида айни шу азалий ва абадий туйғу тараннум этилса, Фозил Фарҳоднинг “Автопортрет”ида азиз юрт, меҳрибон ота-она, муқаддас аёлга бағишловлар ўрин эгаллаган.
“Микрокредитбанк” АТБ нафақат молиявий хизматлар кўрсатишда, балки миллат маънавиятини юксалтириш, ёш ижодкорларни қўллаб-қувватлаш ҳамда китобхонлик маданиятини кенг тарғиб этишда ҳам ўз ҳиссасини қўшиб келмоқда.
Айни дамда форумда тижорат банклари ва нашриётлар ҳам ўз лойиҳалари билан қатнашмоқда.
Мазкур форум 26-сентабрга қадар давом этади
Банк Ахборот хизмати
Яна кўринг
