Микрокредитбанк билан Chevrolet автомобилларини харид қилиш имкониятлари кенгайтирилди
“Микрокредитбанк” АТБ ҳамда UzAuto Motors ўртасида ҳамкорлик келишуви имзоланди. Унга кўра "Микрокредитбанк" томонидан аҳолига янада қулайлик тақдим этиш мақсадида Chevrolet автомобилларини харид қилиш учун янги молиялаштириш шартлари тақдим этилмоқда. Эндиликда, мижозлар мослашувчан ва манфаатли шартлар асосида автомобиль эгасига айланиш имконига эга.
Мазкур таклиф доирасида Damas, Labo ҳамда Captiva русумидаги автомобилларни харид қилишда 0 фоизлик молиялаштириш ставкаси амал қилади. Шунингдек, бошланғич тўлов миқдори 25 фоиздан 50 фоизгача белгиланган бўлиб, тўлов муддати 10 ойдан 24 ойгача этиб белгиланиши мумкин.
Таъкидлаш жоизки, молиялаштириш шартлари танланган автомобиль модели ҳамда бошланғич тўлов миқдоридан келиб чиқиб аниқланади. Автомобиллар амалдаги нархларда, чегирмаларсиз таклиф этилади.
Мазкур имконият мижозларга ортиқча молиявий юкламаларсиз, ўз эҳтиёжларига мос автомобилни харид қилишда қўшимча қулайлик яратади.
Банк Ахборот хизмати
Яна кўринг
МКБАНКнинг "Bank of China"да тўғридан-тўғри корреспондентлик ҳисобварағи очилди
Xalqaro pul o‘tkazmalari – MKBANK bilan tez, qulay va ishonchli yechim
“Микрокредитбанк” АТБ Бошқарув раисининг Ўзбекистон Республикаси Президенти ва Ҳукумат ҳужжатлари ижроси тўғрисида ахбороти
2026 йилнинг январь-март ойида 1 336 та микролойиҳа амалга оширилиши белгиланган бўлиб, 1 апрель ҳолатига 3 356 та микролойиҳа “Online-mahalla.uz” платформасига киритилди.
