“Микрокредитбанк” АТБ Марказий банк билан ҳамкорликда август ойида “Молиявий саводхон маҳалла” лойиҳаси доирасида “Пул тарихи ва банкноталар” мавзусида навбатдаги тренингни ўтказди.
Тадбирлар банкка бириктирилган Тошкент шаҳридаги “Хушнуд”, “Шарқ”, “Олчазор” ва “Хончорбоғ” маҳалла кутубхоналарида ташкил этилди.
Дарсларда ўқувчи ёшлар ва маҳалла аҳолиси пулнинг пайдо бўлиш тарихи, банкноталарнинг яратилиши, ҳақиқий ва қалбаки пулларни ажратиш усуллари ҳақида қизиқарли маълумотларга эга бўлишди. Шунингдек, турли мамлакатлар валюталари билан ҳам яқиндан танишишди.
Болалар ва катталар учун ҳам бирдек қизиқарли лойиҳага айланган молиявий саводхонлик дарсларига интерактив ўйинлар ўзгача кайфият бағишлади.
Ушбу ўқув машғулотларида 30 нафардан зиёд ёшлар ҳамда 10 га яқин ота-оналар қамраб олинди.
Ишончимиз комилки, бундай тадбирлар ёш авлоднинг молиявий саводхонлигини ошириш, уларнинг иқтисодий билимларини чуқурлаштириш ва келгусида тўғри молиявий қарорлар қабул қилишга ёрдам беради.
Банк Ахборот хизмати
Яна кўринг
