МКБАНК БХМларида ўзгаришлар: Янги манзиллар ва янги очилган марказлар!

Микрокредитбанк ўзининг Банк хизматлари марказлари (БХМ) тармоғини оптималлаштириш ва ҳудудий қамровини кенгайтиришни давом эттирмоқда. Мижозларга янада қулай шароитлар яратиш ҳамда кўрсатилаётган молия-банк хизматлари сифатини ошириш мақсадида, бир қатор БХМлар янги манзилларга кўчди, шунингдек, янги марказлар ўз фаолиятини бошлади.

Қуйида банк инфратузилмасидаги сўнгги ўзгаришлар билан танишишингиз мумкин:

Янги манзилларга кўчган БХМлар:
Мижозлар оқими ва ҳудудий қулайликни инобатга олган ҳолда, икки ҳудуддаги банк хизматлари маркази янги, замонавий биноларга жойлаштирилди:
“Равнақ” БХМ: Наманган вилояти, Уйчи тумани, Навоий МФЙ, Амир Темур кўчаси, 1А-уй манзилига кўчди.
“Хатирчи” БХМ: Навоий вилояти, Хатирчи тумани, Парахун МФЙ, Пушкан кўчаси, 21-уй манзилида ўз ишини давом эттиради.

Янги ташкил этилган БХМлар
Жиззах вилояти аҳолиси ва тадбиркорларига банк хизматларидан фойдаланишда қўшимча қулайликлар яратиш мақсадида иккита янги марказ очилди:
“Зафаробод” БХМ: Жиззах вилояти, Зафаробод тумани, Бўстон МФЙ, Мустақиллик кўчаси, 10-уйда фаолият бошлади.
“Арнасой” БХМ: Жиззах вилояти, Арнасой тумани, Ғолиблар МФЙ, Алпомиш кўчаси, 57-уй манзилида мижозларни қабул қилмоқда.

Ушбу ўзгаришлар ва янги марказларнинг ишга туширилиши ҳудудлардаги аҳолининг замонавий банк хизматларига бўлган эҳтиёжини тезкор ва сифатли қондиришга хизмат қилади.

Банк Ахборот хизмати