Таълим – ҳар қандай миллатнинг тараққиёти ва келажагини белгилайдиган асосий омил. Шу боис "Нова Скул" асосчиси ва директори Зебо Мўминова ўз олдига соғлом, мустақил қарорлар қабул қиладиган, жаҳон цивилизацияси билан ҳамнафас бўла оладиган ватанпарвар авлодни камолга етказиш мақсадини қўйган.
Тошкент шаҳрининг Юнусобод туманида ташкил этилган "Нова Скул" клуб шаклидаги таълим муассасаси бугунги кунда юзлаб ўқувчиларни таълим бермоқда. Бу ерда нафақат замонавий билимлар берилади, балки шахсий ривожланишга қаратилган махсус дастурлар ҳам амалга оширилади. Ўқитиш тизими инновацион ёндашув ва энг яхши таълим методларига асосланган. Мазкур лойиҳа "Микрокредитбанк"нинг молиявий кўмаги билан ишга туширилган бўлиб, бугунги кунда муваффақиятли фаолият олиб бормоқда.
Банк Бошқарув раиси ўринбосари Шахло Ибрагимова "Нова Скул" фаолияти билан яқиндан танишиб, ўқувчилар учун яратилган шароит ва имкониятларни кўздан кечирди. Марказ раҳбари билан мулоқот чоғида амалга оширилаётган ишлар, эришилган ютуқлар ва келгуси режалар ҳақида фикр алмашилди.
Зебо Мўминова таълим соҳасидаги ташаббусларини янада кенгайтириб, билингвал таълим тизимидаги болалар боғчаси ҳамда эрта ривожланиш марказини ҳам ташкил этди. Биргина "Нова Скул" лойиҳасини амалга ошириш учун "Микрокредитбанк" томонидан жами 650 минг АҚШ доллари миқдорида кредит ажратилди. Ушбу маблағ биноларни таъмирлаш ва жиҳозлаш ишларига сарфланди. Шунингдек, пойтахт Академияси болалар боғчаси лойиҳаси учун ҳам 1,5 миллиард сўм миқдорида кредит маблағлари йўналтирилди.
Лойиҳанинг умумий қиймати 30 миллиард сўмни ташкил этади. Тадбиркор ўз фаолиятини янада кенгайтириш мақсадида "Микрокредитбанк" томонидан жами 21 миллиард сўм имтиёзли кредит билан таъминланди. Бу орқали 100 нафардан ортиқ янги ишчи ўринлари яратилди.
Ҳозирги кунда ушбу учала марказ орқали барча йўналишларга халқаро тажрибага эга профессионал мутахассислар, малакали педагог ва психологлар жалб қилинган.
Зебо Мўминова ва "Нова Скул" жамоаси олдида улкан мақсадлар турибди – янги авлодни етук мутахассис ва ҳақиқий лидер сифатида тарбиялаш.Ўз навбатида, "Микрокредитбанк" бу борада доимо кўмак беришга ва таълим тараққиётига ҳисса қўшишга тайёр.
Банк Ахборот хизмати
Яна кўринг
Техник созлаш ишлари амалга оширилади!
МКБАНКда "Қадринг баланд бўлсин, Она тилим!" шиори остида Оммавий диктант танлови ўтказилди
