Мамлакатимизда ислоҳотларнинг илк босқичидаёқ таълим тизимини ривожлантиришга катта эътибор қаратилди. Сўнгги йилларда бу соҳада улкан натижаларга эришилмоқда.
Давлатимиз раҳбари Бўстонлиқ туманида ўқитувчи ва мураббийлар билан мулоқотида таълим-тарбия соҳаси ва педагогларнинг хизматларини юксак баҳолаб, уларнинг жамият тараққиётидаги ўрнини алоҳида қайд этди.
“Микрокредитбанк” АТБ ҳам таълим соҳасини қўллаб-қувватлашга ўз ҳиссасини қўшиб, ушбу йўналишда қатор лойиҳаларни амалга оширмоқда.
Шундай ташаббусларга Тошкент шаҳри Янги ҳаёт тумани Хушнуд маҳалласидаги махсус хусусий боғчаси мисол бўлади. Бу еда болажонларнинг эшитиш ва гапириш қобилияти ривожлантирилади. Боғча раҳбари Сарвиноз Тоғаева. Унинг ҳаётидаги синовлар бугунги фаолияти учун асос бўлди. Айни пайтда боғчада 16 нафар бола тарбияланмоқда, 5 та иш ўрни яратилган.
Лойиҳа қиймати 90 миллион сўмни ташкил этади. Унинг 33 миллион сўми Микрокредитбанк томонидан имтиёзли кредит сифатида ажратилди. Банк Бошқарув раиси ўринбосари Шахло Ибрагимова муассасада бўлиб, шароитлар билан танишди ва келгусида ҳам қўллаб-қувватлашга тайёрлигини билдирди.
Шу ўринда таъкидлаш лозимки, “Микрокредитбанк” АТБ томонидан 2025 йилнинг 9 ойи давомида таълим соҳасини қўллаб-қувватлаш учун 40 миллиард сўмдан ортиқ кредит маблағлари йўналтирилиб, соҳада 1 000 га яқин аҳоли бандлиги таъминланди. Ушбу кредитларнинг асосий қисми мактабгача таълим соҳаси ҳиссасига тўғри келади.
Орамизда Сарвиноз Тоғаева каби фидоий мураббийлар жуда кўп. Уларнинг мана шундай ташаббуслари натижасида ёш авлод келажакда нафақат юртимизда, балки халқаро майдонда ҳам ўз билими ва иқтидорини намоён этади.
Зеро бугунги авлод Янги Ўзбекистоннинг ёрқин келажаги. Микрокредитбанк ҳам таълим соҳасини ривожлантиришга ҳисса қўша оладиган тадбиркорларни молиявий қўллаб-қувватлашда давом этади.
Банк Ахборот хизмати
Яна кўринг
МКБАНКда маънавий-маърифий учрашув ўтказилди
Мутахассис ва олимлар томонидан мавзуга оид маърузалар қилиниб, Президентимиз нутқида илгари сурилган муҳим ғоя ва ташаббусларнинг мазмун-моҳияти атрофлича ёритиб берилди.
Байрам кунлари ҳам ишлаймиз!
