Бугун мамлакатимизнинг чекка ва олис ҳудудлари аҳолисига қулай шарт-шароитлар яратиш борасида олиб борилаётган ислоҳотлар ўз самарасини бермоқда. Маҳаллалар қиёфаси тубдан ўзгартирилиб, замонавий кўринишга эга бўлмоқда. Айниқса, маҳаллаларда кичик боғлар, аҳоли дам олиш масканлари, болалар майдончалари, спорт, футбол майдончалари, кутубхоналар барпо этилиб, аҳоли фойдаланиши учун топширилаётгани қувонарли. 

Шу билан бирга маҳаллаларда тадбиркорлик муҳитини шакллантириш, аҳоли бандлигини таъминлаш, уларнинг қўшимча даромадга эга бўлишлари учун қатор имтиёз ва имкониятлар яратилмоқдаки, бу имкониятлардан оқилона фойдаланаётган юртдошларимиз жуда кўп. Ўз навбатида, Микрокредитбанк томонидан ҳам ана шундай аҳоли вакиллари қўллаб-қувватланмоқда. 

Жумладан, «Яшил макон» умуммиллий лойиҳаси доирасида «Янги Андижон» массивида экилган 7,5 минг дона дарахт кўчатларини суғориш тизимини ўрнатиш ва ишга тушириш лойиҳаси Микрокредитбанкнинг молиявий кўмагида ишга туширилди. 

Шунингдек, ушбу банк молиявий ҳамкорлигида Навоий вилояти Хатирчи туманидаги  «Лангар» ва «Андигон» маҳаллалари инфратузилмасини яхшилаш мақсадида уй меҳмонхоналарини ташкил этиш орқали аҳолига қулай шарт-шароитлар яратиш ва уларни тадбиркорликка жалб қилиш ҳамда маҳаллаларнинг туризм салоҳиятини яхшилашга қаратилган яна бир лойиҳа амалга оширилди.

Микрокредитбанк янгидан бунёд бўлаётган маҳаллалар, фаровонликка эришаётган оилалар, даромад манбаига эга бўлаётган хотин-қизларимизни молиявий қўллаб-қувватлашда давом этади. 

Банк Ахборот хизмати