Ишдаги масъулиятли кунлардан сўнг жамоа билан биргаликда табиат қўйнида вақт ўтказиш — кайфиятни кўтариш, янги таассуротлар олиш ва дўстона муносабатларни янада мустаҳкамлашнинг ажойиб имкониятидир.
«Саёҳатчи банкир» лойиҳасининг бу галги манзили — Тошкент вилоятининг сўлим ва бетакрор масканларидан бири Палтау шаршараси бўлди.
Тоғлар бағридаги мусаффо ҳаво, ақл бовар қилмас гўзалликка эга табиат, қоялар орасидан оқиб тушаётган зилол сув ва шаршаранинг маҳобатли манзараси МКБАНК жамоасига ўзгача завқ ва кўтаринки кайфият бағишлади.
Жамоамиз ҳикинг саёҳатини, аввало, Оби Раҳмат ғорига боришдан бошлади. Бу ерда палеолит даврига оид қадимги одамлар манзилгоҳи топилгани ҳақидаги қизиқарли маълумотлар билан танишилди. Тарих ва табиат уйғунлиги саёҳатимизни янада мазмунли қилди.
Саёҳатнинг асосий манзили — Палтау шаршарасига етиб келганимизда эса табиатнинг бетакрор манзараси барчага унутилмас таассурот улашди. Тахминан 35–38 метр баландликдан тушаётган шаршара суви тоғлар бағрида ўзига хос гўзаллик касб этади.
«Палтау» номи туркий тилдан «темир тоғ» деб таржима қилинади. Шаршара атрофидаги тоғлар қадимдан темирга бой рудалари билан машҳур бўлган.
Биргаликдаги саёҳат давомида жамоамиз вакиллари табиатдан баҳраманд бўлиб, мароқли дам олди, самимий суҳбатлар қурди ва ёрқин таассуротларни бирга баҳам кўрди.
Самимий суҳбатлар, кўтаринки кайфият ва мустаҳкам жамоавий руҳ — МКБАНК жамоаси билан ҳар бир лаҳза ўзгача!
Яна кўринг
МКБАНКда маънавий-маърифий учрашув ўтказилди
Мутахассис ва олимлар томонидан мавзуга оид маърузалар қилиниб, Президентимиз нутқида илгари сурилган муҳим ғоя ва ташаббусларнинг мазмун-моҳияти атрофлича ёритиб берилди.
Байрам кунлари ҳам ишлаймиз!
