"Микрокредитбанк” AТБ Халқаро тикланиш ва тараққиёт банки (ХТТБ) нинг қўшимча 10.0 млн. доллар миқдоридаги маблағларини жалб қилди.
Ўзбекистон Республикаси Президентининг 2022 йил 13 июлдаги ПҚ-317-сонли қарорига асосан Иқтисодиёт ва молия вазирлиги, Камбағалликни қисқартириш ва бандлик вазирлиги ҳузуридаги Маҳаллабай ишлаш ва тадбиркорликни ривожлантириш агентлиги ҳамда “Микрокредитбанк” AТБ ўртасида Халқаро тикланиш ва тараққиёт банки (ХТТБ) иштирокида «Қишлоқ тадбиркорлигини ривожлантириш - 2 фаза» лойиҳаси (Лойиҳа) доирасида 10.0 млн. доллар миқдоридаги кредит линия маблағларни жалб қилиш бўйича Қайта кредитлаш битими имзоланган эди.
Жорий йилнинг 13-ноябрида Лойиҳа мазкур қайта кредитлаш битимига 1-сонли қўшимча битим имзоланиб, кредит линия миқдори 20.0 млн. долларга оширилишига эришилди.
Мазкур маблағлар лойиҳа доирасида:
- Республиканинг қишлоқ ҳудудларида ишлаб чиқариш ва хизмат кўрсатишни ривожлантириш;
- Янги корхоналарни ташкил этиш ёки мавжуд корхоналар салоҳиятини кенгайтириш;
- Кичик бизнес субъектлари учун молиявий ва номолиявий хизматлардан фойдаланиш имкониятларини яхшилаш;
- Қишлоқдаги ёшлар ва аёлларни бизнесга кенг жалб қилиш мақсадида суб-лойиҳаларни молиялаштириш учун ишлатилиши режалаштирилган.
Банк Ахборот хизмати
Яна кўринг
WE-Finance Code ташаббусининг йиллик ҳисобот йиғилиши бўлиб ўтди
